LSDM me lëvdata për investime në Shëndetësi, VMRO-DPMNE me kritika për Klinikat!

LSDM e kryeministrit Kovaçevski ka thënë sot se pushteti i tyre vazhdimisht investon në përmirësimin dhe modernizimin e shëndetësisë, me investime kapitale në objekte dhe pajisje, si dhe në ngritjen e pagave të punëtorëve shëndetësorë.

“Vetëm ditët e fundit në të gjithë qendrat mjekësore në vend janë vënë në përdorim një numër i madh i objekteve shëndetësore të sapo rinovuara, si dhe pajisje të reja. Klinika për sëmundje kirurgjikale në Shkup ‘Shën Naumi i Ohrit’, është modernizuar me blerjen e aparateve të reja, në vlerë prej 1 milion euro, të siguruara nga Qeveria e udhëhequr nga LSDM. Është blerë aparati i ri modern për litotripsi, aparati i ri për mamografi me tomosintezë dhe kolona laparoskopike për kryerjen e procedurave kirurgjikale minimale invazive, e cila tashmë është vënë në funksion në këtë Klinikë. Në Klinikën e Ortopedisë është vënë në përdorim salla e kirurgjisë e rinovuar tërësisht. Me një investim prej 15.000.000 denarë, mjete të siguruara nga Fondi i Sigurimeve Shëndetësore dhe donacione, mundësohet që Klinika të ketë rritje të numrit të operacioneve për 20% në vit, ndërsa me pajisjet e reja pacientëve u sigurohet kujdes modern dhe i plotë. Klinika e re në Kozle është shndërruar nga një institut për sëmundjet e mushkërive në një klinikë ku ofrohet edhe kujdesi specialistik në nivelin terciar. Një numër i madh i pajisjeve të reja janë marrë në klinikën e gastroenterohepatologjisë me repartin e ri tërësisht të rinovuar, pastaj në departamentin e endokrinologjisë, në klinikën e toksikologjisë, si dhe në repartin e pediatrisë në Spitalin e Përgjithshëm të Gostivarit. Qytetarët e Sarajit për herë të parë pas 50 vitesh morën një qendër poliklinike moderne, me vlerë 1.3 milionë euro”, thuhet në kumtesën e LSDM-së.

Partia opozitare VMRO-DPMNE ka ngritur kritika të forta ndaj qeverisë aktuale, duke theksuar se mbi 100 bashkëqytetarë çdo vit janë të detyruar të mbledhin para vetë për mjekim, ndërsa klinikat shpesh herë mungojnë nga barnat e nevojshme. Sipas opozitës, premtimi i qeverisë për shëndetësi falas nuk ka përmbushur pritshmëritë, dhe hapja e një numri për donacione për mjekim është bërë pothuajse çdo 3 ditë, duke treguar mungesën e fondit qeveritar për të mbuluar trajtimin e pacientëve. Kjo situatë, sipas VMRO-DPMNE, ka lënë popullin e vendit në një solidaritet vetëndihmues, pasi qeveria nuk ka marrë masa për të ndihmuar.

“ Nga premtimi për shëndetësi falas nga qeveria, deri te hapja e një numri për donacione për mjekim pothuajse çdo 3 ditë, sepse Fondi nuk mbulon trajtimin e pacientëve. Me LSDM-në dhe BDI-në, populli është lënë në solidaritet mes vete, qeveria nuk bën asgjë për ta ndihmuar. Ilaçet gjithashtu mungojnë rregullisht në klinika. Mungesa e insulinës është e zakonshme. Pacientët shpesh detyrohen të blejnë vetë gjërat bazë për aplikimin e një ilaçi të caktuar në kushte klinike. Për pacientët me sëmundje të rralla, qeveria harron fare, ata janë lënë në luftë. Pacientët me fibrozë cistike kanë kërkuar prej muajsh Tricafta, për ta marrë sërish. Nuk ka qenë kurrë më keq. Është e rëndësishme t’i mposhtim ata ”, shkruan opozita.

lajmet e fundit

”Do hamë ushqim të mirë”; Bebe Rexha për herë të parë në Kosovë: Do iki dhe në Dibër, kemi një syneti

Për herë të parë, Bebe Rexha ndodhet në Kosovë, pasi do të marrë pjesë në “Sunny Hill Festival 2024”. Këngëtarja shqiptare me famë botërore...

Një person nga Manastirit për 4 muaj me rradhë ka përdhunuar dhe shantazhuar një vajzë 18-vjeçare

Prokuroria Themelore Publike në Manastir ka nisur një procedurë kundër një 25-vjeçari i dyshuar për veprën penale – Sulm seksual dhe përdhunim nga neni...

​Rrëzohet avioni në Nepal, 18 të vdekur

18 trupa të pasagjerëve dhe ekuipazhit janë gjetur pas rrëzimit të një avioni të mërkurën në Nepal. Kapiteni MR Shakya i aeroplanit të Saurya Airlines...

Kurti: Qytetarët të mos heroizojnë Faton Hajrizin

Kryeministri i Republikës së Kosovës, Albin Kurti, ka deklaruar në mbledhjen e qeverisë se shenjat e gishtërinjve të dërguara nga Serbia, përkojnë me ato...

Arrestohen hajdutët e druve në Kumanovë, thonë nga MPB

Gjatë ditës së djeshme në lagjen “Çezmja Ajduçka” në Kumanovë, zyrtarë policorë kanë arrestuar personin me iniciale A.G nga Kumanova dhe personin S.N. nga...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu