“Po t’i kishim dëgjuar këta persona ne nuk do të kishim as shkolla të mesme dhe as universitete” – kështu deklaroi Hasan Jashari, njëri nga iniciatorët Akademisë shqiptare, duke komentuar deklaratat e atyre që e kundërshtojnë nismën e tyre.
“Po t’i kishim dëgjuar ata njerëz nuk do të kishim as arsim të mesëm, as universitete asgjë. Të gjithë gjërat janë bërë këtu në bazë të kushtetutës dhe vullnet të mirë, dhe për këtë shkak kjo duhet të shikohet se ligji për institucione publike është shumë i gjer dhe nuk është bërë për akademinë shqiptare por është bërë për institucionet publike që lejohen dhe komunat edhe çdo kush , dhe persona nga jashtë të formojnë institucione publike”, tha Hasan Jashari – Akademia Shqiptare.
Nisma për themelimin e Akademisë shqiptarë ka hasur në shumë kundërshtime, ndërsa më së shumti janë kapur te financimi, i cili bëhet nga katër komuna. Ministri i vetëqeverisjes lokale Zllatko Perinski dje tha se komunat nuk mund të financojnë projekte të tilla.
“Në Ligjin për Vetëqeverisjes lokale neni 11 pika shtatë thuhet se të ardhurat që i fitojnë vetëqeverisjet lokale duhet t’i shpenzojnë në kuadër të ligjeve. E kam thënë disa herë që Akademia Shqiptare nuk është nën kompetencat e tyre të shkruara në nenin 22 të ligjit për vetëqeverisje lokale , që janë në kompetencë të vetëqeverisjes lokale”, u shpreh Zllatko Perinski – Ministri i Vetëqeverisjes Lokale.
Eksponentë të VLEN-it thonë se kjo nismë mund të ndalet vetëm nëse Akademia e shkencave dhe arteve e Maqedonisë hapë dyert për akademikët shqiptarë. Edhe Jashari pohoi një gjë të tillë, por tha se kushti
“Nëse na pranojnë si trup si jemi do të shkojmë, nëse një prej nesh nuk e pranojmë nuk shkojmë. Jemi të gatshëm sepse edhe ai është institucion publik, financohet edhe nga ne, që t’i shfrytëzojmë ato benefite mirë, por si trup që jemi tash për tash do të bëhemi 14 anëtarë”, shtoi Jashari.
Përveç VMRO-DPMNE-së, edhe partneri tjetër qeverisës, Lëvizja ZNAM, është shprehur kundër formimit të një Akademie shqiptare. Kritika ka pasur edhe nga opozita shqiptare Fronti Europian, duke thënë se “në vend që të marrin kryesimin e ASHAM, VLEN krijon Akademi mëhalle”.