SONTE DARKA JOFORMALE, NESËR NIS SAMITI
Sekretari Amerikan i Shtetit, Entoni Blinken, ka mbërritur në Maqedoninë e Veriut, ku është pritur nga Kryeministri Dimitar Kovaçevski, përcjell KlanM.
Ai përmes një postimi në Facebook ka njoftuar se pasdite kanë biseduar për mbështetjen amerikane për Maqedoninë e Veriut në rrugëtimin drejt BE-së dhe zbatimit të reformave.
“Sekretari shtetëror ka përshëndetur kryesimin e suksesshëm me OSBE-në dhe qasjen konstruktive të agjendës dhe adresimit të sfidave më të cilët përballet Organizata” – ka shkruar Kryeministri Kovaçevski.
Nga Qeveria njoftojnë se Kryeministri Kovaçevski, do të organizojë pritje në Qeveri edhe për përfaqësuesin e lartë të BE-së për politikë të jashtme dhe të sigurisë, Zhozep Borrell, në prag të Samitit të OSBE-së në Shkup.
Përshtypjet e para, diplomatët e huaj, do t`i shkëmbejnë në darkën joformale, kurse nesër nis samiti I OSBE-së. Në darkën joformale do të jetë I pranishëm Sekretari amerikan I Shtetit, Entoni Blinken.
Ndëkohë, gjatë vizitës së Ministrit të Brendshëm Oliver Spasovskit, në Shtabin e aksionit operativ “OSBE 2023”, nga kompetentët është njoftuar se një pjesë e delegacioneve tashmë kanë mbërritur në vend.
Nga MPB njoftojnë se Departamenti për operacione speciale policore, Departamenti për Çështje Kufitare, Departamenti për shkatërimin e krimit serioz dhe të organizuar, janë në terren dhe veprojnë sipas planit./KlanMacedonia