Era e tymit përshkoi Athinën, me qiellin që u errësua ndërsa një zjarr u ndez në verilindje të kryeqytetit grek të dielën
Më shumë se 250 zjarrfikës, 67 makina zjarrfikëse, 12 avionë dhe gjashtë helikopterë janë duke luftuar zjarrin, i cili shpërtheu rreth orës 15:00, 35 kilometra nga Athina.
Flakët po lëvizin me shpejtësi drejt liqenit Marathon, një rezervuar i rëndësishëm që furnizon Athinën me ujë, tha koloneli i zjarrfikësve, Vassileios Vathrakogiannis. Një numër i panjohur i shtëpive janë dëmtuar, raporton AP, transmeton Klankosova.tv.
Vathrakogiannis tha se erërat arritën forcën e stuhisë në zonën e zjarrit dhe se flakët tejkaluan 25 metra në lartësi. Banorët e fshatrave pranë zonës së zjarrit janë paralajmëruar me mesazhe emergjente që të evakuohen.
Një tjetër zjarr që shpërtheu në perëndim të Athinës është vënë nën kontroll, tha zëdhënësi.
Moti i nxehtë dhe i thatë, i përkeqësuar nga erërat e forta, rrit rrezikun e zjarreve. Qershori dhe korriku ishin më të nxehtat e regjistruara ndonjëherë në Greqi, e cila gjithashtu e regjistroi dimrin më të nxehtë ndonjëherë