Vuçiq: Kosova po fuqizohet jashtëzakonisht shumë ushtarakisht me ndihmën e Amerikës

Vuçiq: Kosova po fuqizohet jashtëzakonisht shumë ushtarakisht me ndihmën e Amerikes

Presidenti i Serbisë, Aleksandar Vuçiq, ka thënë sot se vazhdimi i armatosjes së Forcave të Sigurisë së Kosovës synon të largojë plotësisht çdo gjurmë të ekzistencës së Serbisë nga territori i Kosovës.

Udhëheqësi serb ka reaguar pas lajmeve se Kosova pritet të blejë raketa amerikane “Javelin” në vlerë të 75 milionë dollarëve, raporton nova.

“Deklaratat e disa zyrtarëve kosovarë na lënë të kuptojmë pa mëdyshje se shkatërrimi i popullit serb është i qartë dhe mesazhi është se nuk ka vend për serbët”, tha Vuçiq në një konferencë për media pas vizitës në Qendrën Operative të Agjencisë së Sigurisë Ushtarake të Serbisë.

Vuçiq ka thënë se Kosova po formon forca jashtëzakonisht të fuqishme dhe se ajo po udhëhiqet nga Amerika, në kundërshtim me të drejtën ndërkombëtare dhe Rezolutën 1244 të OKB-së, duke theksuar se për këtë Serbia duhet të forcojë në mënyrë drastike ushtrinë e saj.

“Deri në vitin 2027 ata planifikojnë të kenë 5,500 ushtarë profesionistë dhe 20,000 rezervistë”, tha ai.

Udhëheqësi serb tha se nuk lejohet sipas ligjit ndërkombëtar dhe vendimit të Kombeve të Bashkuara, por nuk janë të interesuar për këtë “sepse munden”. Ai saktësoi se Kosova merr ndihmën më të madhe ushtarake nga SHBA-ja, Turqia, Gjermania, Britania e Madhe, por edhe nga Kroacia.

Sipas tij, situata nuk është e lehtë sepse Serbia është e rrethuar nga aleanca e NATO-s, forcat e së cilës janë të dislokuara edhe në Bosnjë dhe Hercegovinë, e cila nuk është anëtare e NATO-s.

“Ne duhet të kemi një ushtri të fortë, sepse pa të nuk mund të ekzistojmë si shtet”, ka theksuar Vuçiq.

Ky i fundit gjithashtu pohoi se Forcat e sigurisë së Kosovës kanë 223 automjete të blinduara dhe se planifikojnë ta rrisin këtë numër në 350.

Lideri serb po ashtu tha se plani është që të rritet numri i këtyre automjeteve të blinduara, por edhe numri i personelit.

“Dëshirojnë të rritin numrin edhe për 350 automjete të blinduara, duan të kenë 5500, siç thonë ata, ushtarët profesionistë deri në vitin 2027 dhe 20 mijë të tjerë si rezervistë. Këto janë planet e tyre. Nuk ka surpriza për ne. Amerika e urdhëheq atë, Amerika e menaxhon atë, ekspertë të mëdhenj, njerëz seriozë e bëjnë këtë, ata do të jenë mendërisht, fizikisht dhe organizativisht, shumë, shumë të gatshëm. Amerikanët dhe NATO-ja po e bëjnë në mënyrë jashtëzakonisht serioze dhe të përgjegjshme”, tha Vuçiq.

lajmet e fundit

Rita Behadini sqarohet pse është kundër martesës

Aktivistja Rita Behadini sonte në emisionin Click Plus në TV21, ku po diskutohet për gratë dhe vajzat në politikë, tha se është pro pavarësisë...

Dehari: Nuk i kam kushtuar vëmendje Qeverisë së re

Fatmir Dehari, njëri nga figurat e rëndësishme në BDI, dhe kryetar i Kërçovës, “kursen” nga kritikat qeverinë e re VMRO-VLEN. Thotë se nuk i...

OKB: Duhen 15 vjet për të pastruar rreth 40 milionë tonë rrënoja lufte në Gaza

Do të duhen 15 vjet për të pastruar 40 milionë tonë rrënoja lufte të shkaktuara në Gaza. Kështu tha Agjencia e Kombeve të Bashkuara për...

Xhaka reagon pas vendimit të Shaqirit për t’i dhënë fund karrierës me Zvicrën

Kapiteni i Zvicrës, Granit Xhaka, ka reaguar pas vendimit të Xherdan Shaqirit për t’i dhënë fund karrierës me Zvicrën. Xhaka në Instagram ka shpërndarë postimin...

Mjeshtri përballë nxënësit, “Finalissima” premton spektakël

Mbrëmë, Spanja festoi fitimin e trofeut të Euro 2024 duke mposhtur Anglinë 2-1. Pak orë më pas, Argjentina triumfoi edhe në aktin e fundit të...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu