Presidenti i Serbisë, Aleksandar Vuçiq, u ka bërë thirrje serbëve të Kosovës që të marrin pjesë nesër në procesin zgjedhor, dhe të votojnë për Listën Serbe.
“Po shfrytëzoj rastin t’i ftoj të gjithë serbët nga Kosova që të dalin në zgjedhje, që të mos e kenë të vështirë”.
” Që të mos jetë e vështirë për ata që kanë nevojë për një ditë pushimi për të shkuar me makinë apo autobus për të shkuar për të votuar. Dhe për të votuar Listën Serbe, sepse lista serbe është e vetmja garanci që Kurti nuk do t’i dëbojë serbët nga Kosova”, tha Vuçiq, para mediave, shkruan Tanjug.