VMRO: Heqim dorë nga qeveria teknike, nëse BDI nuk do të ketë kryeministër teknik

VMRO-ja opozitare është shprehur e gatshme për të hequr dorë nga qeveria teknike, por për këtë, siç përcjell KlanM, kjo parti ka disa kushte.

“VMRO-DPMNE menjëherë do të heqë dorë nga qeveria teknike, nëse partia kriminale BDI nuk ka kryeministër teknik dhe LSD ka guximin t’i thotë mjaft BDI-së” – thuhet në reagimin e partisë së Mickoskit.

Nga VMRO thonë se do të ishte turp për shtetin që kryeministrin ta ketë një parti e tipit të BDI-së, përditshmëria e të cilëve, sipas VMRO-së, është krimi me LSDM-në.

“Prandaj VMRO-DPMNE është e gatshme të heqë dorë menjëherë nga qeveria teknike, nëse BDI-ja heq dorë nga një kryeministër teknik. BDI është një parti, e cila është sinonim i krimit në Maqedoni, një parti ku kryetari i tyre, Ali Ahmeti, rrëmbeu miliona për vete dhe familjen e tij dhe ka nipër me ‘shpirt sipërmarrës’, që blen prona të vlefshme në qendër të Shkupit për 30 milionë euro. Parti ku Artan Grubi hap kazino, me tipa të turbullt nga Bullgaria, vëllai i tij blen dyqane në qendrën strikte të Shkupit, hotele në Kodrën e Diellit dhe këtu janë edhe qiratë milionëshe, të cilat i paguan Lotaria. Partia ku Bujar Osmani, shpërndan tenderë miliona dollarësh për donatorët e partisë, ndërsa drejtori i Inspektoratit të Ndërtimit, Fatmir Arifi, pas shkeljes së ligjit dhe mosdeklarimit të pasurisë, akuzoi punonjësit e burimeve njerëzore si fajtorë. Një parti e tillë e zhytur në krim nuk mund të ketë një zyrtar të zakonshëm në qeveri, e lëre më një kryeministër teknik”, thuhet në reagimin e VMRO-së./KlanMacedonia

lajmet e fundit

Toshkovski dhe Daçiq, vizitë në Tabanoc

Qytetarët presin radhën me vetura, ndërsa ministri vjen me helikopter. Kjo kontradiktë u pa sot në vendkalimin kufitar të Tabanocës ku Ministri i brendshëm...

Mickoski dush të ftohtë VLEN-it, për ndryshimet kushtetuese: Nuk pranoj ultimatume!

Edhe përkundër pretendimeve të koalicionit “VLEN” se mbeten në të ashtuquajturat afat gjashtëmujor për çështjen e ndryshimeve kushtetuese, kryeministri Hristijan Mickoski u përgjigj se...

Bullgaria nuk do të ketë kërkesa të reja – Mospajtime mes VLEN dhe VMRO-DPMNE për afatin për ndryshimet kushtetuese

Edhe përkundër pretendimeve të koalicionit “VLEN” se mbeten në të ashtuquajturat afat gjashtëmujor për çështjen e ndryshimeve kushtetuese, kryeministri Hristijan Mickoski u përgjigj se...

Filmi kosovar në garë për çmimin ndërkombëtar

Filmi “Krahët e punëtorëve” i regjisorit Ilir Hasanaj ka hyrë në garë për nominim për Çmimin Evropian të Filmit (European Short Award). Filmi është...

Fetai: Brenda 6 muajve të qeverisë, Mickoski do ta prezantojë propozimin për realizimin e ndryshimeve kushtetuese

Arben Fetai tha se ndryshimet kushtetuese janë të patjetërsueshme por shtoi se, e kanë thënë edhe gjatë fushatës se duhet pritur një periudhë 6...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu