I dyshuari për vrasjen që ndodhi në Tetovë në muajin korrik mbrëmë u plagos nga policia gjatë tentimit për ta arrestuar, ai më pas ka ndërruar jetë, raporton Portalb.mk.
Jozyrtarisht mësojmë se bëhet fjalë për L.M. nga Gajreja e Tetovës. Ai dyshohej për vrasjen e R.T. në Tetovë.
Rasti zanafillën e ka që në fillim të këtij viti dhe përleshjeve midis dy vëllezërve nga fshati Gajre dhe një familjeje nga Tetova.
Më 11 janar 2024 para Spitalit të Tetovës me armë zjarri u plagosën dy vëllezër, njëri prej të cilëve ndërroi jetë disa ditë më vonë.
Në lidhje me këtë rast, të shtëna pati edhe më 11 prill 2024, por nuk pati të lënduar.
Ndërkaq më 5 korrik 2024 mbeti i vrarë një person tjetër.