Stafi i OpenAI kërcënon me largim nëse Altman nuk rimerr detyrën

Pjesa më e madhe e stafit të OpenAI kërcënon të largohet nëse bordi nuk jep dorëheqjen dhe nuk rivendos Sam Altman si CEO, sipas engadget.com, që i referohet ”New York Times”.

Kaosi i OpenAI mori një kthesë tjetër dje në mëngjes pasi shumica e stafit të kompanisë kërcënoi se do të largohej nëse bordi nuk jepte dorëheqjen dhe nuk rivendoste ish-CEO Sam Altman dhe ish-presidentin Greg Brockman.

Sipas Wired dhe Kara Swisher, rreth 500 punonjës, përfshirë disa drejtues, e kanë nënshkruar letrën.

”Deri të hënën pasdite, numri i nënshkruesve ishte rritur në më shumë se 700”, sipas Bloomberg.

Disa anëtarë të stafit, duke përfshirë shefen teknike, Mira Murati (e cila mbajti detyrën kryesore të kompanisë në një bazë të përkohshme për më pak se një fundjavë), shkroi në X se “OpenAI nuk është asgjë pa njerëzit e saj”.

Letra drejtuar bordit është zhvillimi më i fundit në një seri ngjarjesh që filluan të premten pasdite, kur bordi i OpenAI shkarkoi Altman.

Bordi pretendoi se Altman nuk kishte qenë “vazhdimisht i sinqertë në komunikimet me bordin, duke penguar aftësinë për të ushtruar përgjegjësitë e tij”.

Si i tillë, bordi ndjeu se nuk kishte më “besim në aftësinë e tij për të vazhduar udhëheqjen e OpenAI”.

Shefi operativ Brad Lightcap tha më vonë në një memo të brendshme se Altman u shkarkua për shkak të “një prishjeje në komunikim”, jo për “keqpërdorim ose ndonjë gjë që lidhet me praktikat financiare, të biznesit, të sigurisë ose të privatësisë”.

Altman dhe Brockman mbajtën bisedime të vështira me bordin e OpenAI gjatë fundjavës në një përpjekje për t’u rikthyer në punën e tyre.

Por, këto diskutime nuk dolën në favor të ish-drejtorit dhe kryetarit.

Kishte edhe një zhvillim tjetër të madh të dielën, pasi Microsoft punësoi Altman, Brockman dhe disa nga ish-kolegët e tyre të OpenAI për të drejtuar një ekip të ri të avancuar të kërkimit të AI.

Microsoft është investitori më i madh i OpenAI dhe po përdor teknologjinë e kompanisë për të ndihmuar në fuqizimin e produkteve të tij gjeneruese të drejtuara nga AI, si Copilot.

Lajmi për shkarkimin e Altman thuhet se e kapi në befasi Microsoft.

Nëse Altman dhe Brockman nuk kthehen në OpenAI, qindra punonjës mund të përfundojnë duke u bashkuar me ta në Microsoft.

Në letrën e tyre, punonjësit e OpenAI akuzuan bordin se po vepron kundër interesave më të mira të kompanisë.

Ilya Sutskever, një anëtar i bordit të OpenAI dhe shkencëtari kryesor i kompanisë, thuhet se ishte personi që koordinoi ”grushtin e shtetit” kundër Altman.

Megjithatë, Sutskever tani ka shprehur keqardhje për “pjesëmarrjen në aksionin e bordit” dhe u zotua të bëjë “të bëj gjithçka që mundem për të ribashkuar kompaninë”.

Edhe Sutskever është një nga disa qindra nënshkruesit e letrës.

lajmet e fundit

100 shishe shampanjë gjenden në rrënojat e anijes së shekullit të 19-të

Kur zhytësit në Detin Baltik panë për herë të parë rrënojat, menduan se ishte një varkë peshkimi. Por kur shkuan për të hetuar, gjetën...

Kthimi i trupit të Faton Hajrizit nga Serbia/ Koci:Isha në morg, prej orësh jam në stacion policor të Lloznicës

Avokati Arianit Koci ka udhëtuar drejt Serbisë në përpjekjen e tij për të gjetur dhe transferuar për në Kosovë trupin e Faton Hajrizit. Nga...

Toshkovski dhe Daçiq, vizitë në Tabanoc

Qytetarët presin radhën me vetura, ndërsa ministri vjen me helikopter. Kjo kontradiktë u pa sot në vendkalimin kufitar të Tabanocës ku Ministri i brendshëm...

Mickoski dush të ftohtë VLEN-it, për ndryshimet kushtetuese: Nuk pranoj ultimatume!

Edhe përkundër pretendimeve të koalicionit “VLEN” se mbeten në të ashtuquajturat afat gjashtëmujor për çështjen e ndryshimeve kushtetuese, kryeministri Hristijan Mickoski u përgjigj se...

Bullgaria nuk do të ketë kërkesa të reja – Mospajtime mes VLEN dhe VMRO-DPMNE për afatin për ndryshimet kushtetuese

Edhe përkundër pretendimeve të koalicionit “VLEN” se mbeten në të ashtuquajturat afat gjashtëmujor për çështjen e ndryshimeve kushtetuese, kryeministri Hristijan Mickoski u përgjigj se...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu