Shoku i afërt me Arben Taravarin Aleksandar Pandov, ua pezulloi dënim sulmuesve Ziadin Selës me 27 Prillit
U.d. drejtor i Drejtorisë për Ekzekutimin e Sanskioneve, Aleksandar Pandov shok i afert me Arben Taravarin, pezullon nga dënimi disa nga të dënuarit për rastin e 27 prillit ku kryetari i Aleancës për SHqiptarët Ziadin Sela u sulmua brutalisht. Sipas burimeve jo zyrtare në mesin e të liruarëve është edhe Mitko Çavkov Ish Ministër i Punëve të Brendshme i dënuar për terorizëm.
U.d. drejtor i Drejtorisë për Ekzekutimin e Sanskioneve, Aleksandar Pandov, në dy javët e fundit ka kryer disa pezullime të dënimeve, për arsye shëndetësore. Pandov tha se, pjesa më e madhe prej tyre janë të dënuarit në rastin e “27 prillit”. Pas burimeve jo zyrtare në mesin e të liruarëve është edhe Mitko Çavkov Ish Ministër i Punëve të Brendshme i dënuar për terorizëm.
Aleksandar Pandov, U.d. drejtor i Drejtorisë për Ekzekutimin e Sanskioneve 17:38
“Si ushtrues detyre drejtor i Drejtorisë për ekzekutimin e sanksioneve, nëse vjen kërkesë nga ndonjë i burgosur për ndonjë problem akut shëndetësor, nuk kam të drejtë ta refuzojë. Është fakt se, 4-5 persona, prej që jam unë drejtor, kanë dorëzuar kërkesa që i kam nënshkruar. Ka një apo dy persona që nuk janë nga 27 prilli”.
Pandov ka sjellë këtë vendim të bazë të nenit 73, i cili parasheh që të dënuarve t’u pezullohet dënimi me burg, në rast se po përballen me sëmundje akute.
Neni 73
“Persona të dënuar të cilët vuajnë dënimin me burg, drejtori i Drejtorisë në afat sa më të shkurt kohor, ndërsa jo më gjatë se 30 ditë, sjell vendim për pezullimin e mbajtjes së dënimit në kohëzgjatje prej 30 ditësh, nëse ka nevojë apo gjendet në trajtim spitalor për ndonjë sëmundje më të rëndë akute, varësi apo lindje”.
Rasti i 27 prillit ka të bëjë me dhunën në Kuvend, kur protestuesit u futën në objektin e Kuvendit dhe sulmuan deputetët dhe gazetarët. Të akuzuarit për këtë rast, ngarkohen me veprën penale terrorizëm.