Shumica parlamentare vazhdon të kërcënojë me mos zgjedhjen e ministrave teknikë nga radhët e VMRO-DPMNE-së nëse partia e Hristijan Mickoskit nuk voton Talat Xhaferin si kryeministër teknik. Kryeministri në largim, Dimitar Kovaçevski thotë se opozita nuk mund të pres që dikush t’ia votojë ministrat ndërsa ajo të mos e mbështesë Qeverinë e re.
“Secili duhet të punojë në përputhje me ligjin dhe parimet demokratike. Propozoni ministra dhe i mbështesni. Nuk mund të prisni që ju të propozoni ministra dhe dikush tjetër tua mbështet. Diçka e tillë nuk ekziston askund në botë. Mendon që deri të dielën ka kohë të mjaftueshme për reflektim”, deklaroi Dimitar Kovaçevski, Kryeministër.
Si do të veprojë shumica dhe nëse do të zgjidhet Qeveria teknike pa ministrat e VMRO-DPMNE-së, kjo akoma mbetet e paqartë. Kushtetuta, Ligji për Qeverinë dhe Ligji për punën e organeve të administratës shtetërore përcakton saktë procedurat se si duhet të shkarkohet, propozohet dhe zgjidhet Qeveria e re.
Kushtetuta, Neni 93
“Dorëheqja e kryetarit të Qeverisë, vdekja ose pamundësia e përhershme e tij që ta ushtrojë funksionin, rezulton me dorëheqjen e Qeverisë”.
Sipas Ligjit për Qeverinë, skenari për të cilin flet Kovaçevski është i pamundur për faktin se mandatari nuk mund të propozojë kabinet të paplotësuar, ndërsa votimi i Qeverisë bëhet në mënyrë të tërësishme dhe jo ndaras. Një propozim i tillë bie ndeshë dhe duhet të kthehet për plotësim nga kreu i Kuvendit. Ligji për Qeverinë përcakton që 100 para zgjedhjeve, organi ekzekutiv merr karakterin teknik dhe në rast se nuk zgjidhen ministrat nga radhët e opozitës Qeveria nuk mund të quhet e tillë, ndërsa shumica do të bënte shkelje ligjore në rast të një veprimi të tillë. Opozita sot ka deklaruar se deri në thirrjen e seancës do të shqyrtojnë emrat e kandidatëve dhe do t’i propozojnë në kohë, ndërsa nga propozimi i paraparë për mandatar, përkatësisht nga Talat Xhaferi thonë se nuk kanë dëgjuar një version të tillë si të Kovaçevskit.
Seanca për konstatimin e dorëheqjeve të kryeministrit dhe kryetarit të Kuvendit e bashkë me të edhe zgjedhjen e Qeverisë re, përfshi brenda afatit edhe ndarjen e mandatit nga Presidenti është thirrur më 26 janar, ndërsa më 28 janar duhet të zgjidhet Qeveria teknike.