Që të mos ketë kryeministër nga BDI, VMRO-DPMNE i propozoi LSDM-së që të ndryshohet Ligji për Qeveri

VMRO-DPMNE i bëri thirrje LSDM-së që të shfuqizojë Qeverinë teknike që formohet njëqind ditë para mbajtjes së zgjedhjeve parlamentare. Sipas partisë opozitare, një nga arsyet është që BDI-ja të mos ketë kryeministër teknik. Gjithashtu, VMRO-DPMNE konsideron se qeveritë teknike janë joefikase dhe jofunksionale dhe qytetarët paguajnë çmimin.

“VMRO-DPMNE, si partia më e përgjegjshme politike ndaj qytetarëve dhe shtetit, është e gatshme të heqë dorë nga Qeveria teknike, vetëm BDI, të mos ketë kryeministër teknik. BDI prej muajsh është në fokusin e të gjitha skandaleve kriminale që tronditin Maqedoninë. Parti në të cilën nuk ka kuadër të pa komprometuar dhe të pakriminalizuar nuk mund ta sigurojë kryeministrin teknik të shtetit”, u shpreh Mile Lefkov – deputet i VMRO-DPMNE-së.

VMRO-DPMNE nuk është përgjigjur nëse megjithatë do t’i emërojë ministrat e saj teknikë, nëse partitë në pushtet refuzojnë ofertën për shfuqizimin e qeverisë teknike. Thanë vetëm se fillimisht do të presin përgjigjen nga LSDM-ja. Ndërkohë socialdemokratët e lanë këtë çështje për shqyrtim në grupet e punës në Kuvend.

“Janë formuar grupet punuese të cilat do të diskutojnë intensivisht të gjitha proceset që janë të nevojshme për zhvillimin normal të procesit zgjedhor në periudhën e ardhshme. Kryeministri Kovaçevski paralajmëroi takim në Kuvend me të gjithë përfaqësuesit e partive politike, përkatësisht kryetarët e tyre, kështu që mendoj se për të gjitha këto detaje do të merren vesh në periudhën e ardhshme”, tha Lidija Tasevska – deputete e LSDM-së.

Kovaçevski një ditë më parë përsëriti se vendimi për formimin e qeverisë teknike është ende në fuqi. Ai shtoi se zgjedhjet parlamentare do të mbahen në maj, që do të thotë se një qeveri e tillë duhet të formohet në fund të janarit ose përsëri në shkurt. Deri atëherë BDI duhet të propozojë kandidatin për kryeministër, emri i të cilit do të koordinohet me partnerët e koalicionit. /Alsat.mk

lajmet e fundit

Goditet nga energjia elektrike, humb jeten 19 vjeçari nga Shkupi

Në ora 23:43 në SPB Shkup është raportuar se L.L (19) nga Shkupi ka ndërruar jetë në një festë në shtëpi. Sipas raportit, pas...

Presidentja Osmani mikpret këngëtaren me famë botërore Bebe Rexha

Presidentja e Kosovës, Vjosa Osmani ka pritur sot në takim këngëtaren e njohur me famë botërore Bebe Rexha. E para e shtetit Vjosa Osmani...

Zbardhet vrasja në Debresh! Arrestohen tre persona, konfiskohet arma dhe vetura

Ministria e Punëve të Brendshme ka njoftuar se është zbardhur vrasja në Debresh të Gostivarit, ku janë arrestuar tre persona dhe ndaj të cilëve...

Pas 13 ditëve në flakë, shuhet zjarri në malin Serta

Zjarri afër Sertës është shuar tërësisht pas 13 ditëve luftë me stihinë e zjarrit, informoi sot komandanti i Njësisë territoriale zjarrfikëse Negotinë, Stole Atanasov. Situata...

Aksident në Kumanovë, dy të lënduar rëndë

Një aksident ka ndodhur këtë pasdite në Kumanovë. Nga terreni mësohet se dy vajza janë lënduar rëndë, pasi u ndeshën me një veturë tjetër...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu