shkruan: Osama Muadini
Kronologji për mbamendje!
Viti 2016 – Aleanca për Shqiptarët (LR-PDSH) për herë të parë mori pjesë në Zgjedhjet Parlamentare të 2016, nga të cilat mori 3 deputet.
Viti 2017- Aleanca për Shqiptarët u bë pjesë e qeverisë pas ngjarjeve të 27 Prillit, me çka rrëzoi Regjimin e Gruevskit. Por, edhe atëherë u kundurshtua dhe u sulmua nga të tjerët pse u bë pjesë e qeverisë ku ishte edhe BDI.
Viti 2017 – Aleanca për Shqiptarët pas Zgjedhjeve Lokale të vitit 2017, e lëshoi qeverinë, duke qenë vetëm 6 muaj pjesë e asaj qeverie?!
Këtu fillon loja!
Viti 2017 – Çuditërisht, kur gjatë ditës që ASH lëshon qeverinë nga dera hyrëse e godinës qeveritare, me kokën lartë, në mbrëmje nga bodrumi i godinës së qeverisë shfaqet Mendu Thaçi dhe Afrim Gashi, atëherë me Lëvizjen Besa, duke u ndarë në dysh si parti.
Kështu, fillimisht bëhen pjesë e qeverisë, e pastaj formohet partia Alternativa dhe qeverisin deri më 2020 për 3 vite bashkë me BDI?!
Pra, nga viti 2017 – 2020 Alternativa ishte 3 vite në qeveri me BDI!
Viti 2020 – Aleanca për Shqiptarët në Zgjedhjet Parlamentare bashkë me Alternativën në koalicion (si parti në pushtet), marrin 12 deputetë, ndërsa Lëvizja Besa në Koalicionin e famshëm “МОЖЕМЕ” merr 4 deputetë dhe bëhet pjesë e qeverisë bashkë me BDI.
Viti 2021 – Pas Zgjedhjeve Lokale, Lëvizja Besa pasi merr 2 komuna me ndihmën e ASH-së, vendosë të lëshon qeverinë dhe çuditërisht përsëri në qeveri futet Alternativa, e cila edhe pse ishte në koalicion me ASH në këto zgjedhje!
Pra, Lëvizja Besa ishte në qeveri bashkë me BDI për 1 vit e gjysëm!
Viti 2022-2023 – Alternativa përsëri në qeveri me BDI për 1 vit e ca!
Viti 2023 – Aleanca për Shqiptarët bëhet pjesë e qeverisë, del Izeti nga qeveria pas 21 viteve dhe na shitet opozitar bashkë me Alternativën dhe Lëvizjen Besa?!
Harron se për 21 vite rradhazi i ka shërbyer BDI-së!
Kur i grumbullon vitet në qeveri nga viti 2016 e këndej, i bie që më së shumti në qeveri me BDI ka qenë Alternativa me 4 vite, Lëvizja Besa 1 vit e gjysëm, Izeti 20 e ca vite, ndërsa Aleanca për Shqiptarët mës së paku nga të gjitha, por më së shumti e sulmuar?!
Pse po u pengon ASH në qeveri?