Në komunat Çashkë, Bërvenicë, Dollnen dhe tani edhe në Kërçovë e Strugë, qytetarët kanë filluar të organizohen vetë, duke mos pasur më besim tek partitë politike.
Njerëzit po kërkojnë t’i dalin zot vendit, që vota dhe besimi i tyre të mos tradhtohen më për interesa partiake apo personale.
Kjo është një lëvizje që tregon se populli po zgjohet dhe po merr përgjegjësinë për të ardhmen e vet dhe të kombit.
Qytetarët theksojnë se nuk mund të lejohet që VMRO, bashkë me vazalin e saj VLEN, të vendosin për komunat shqiptare, për kandidatë maqedonas në vendet ku frymon shqip apo për kandidatë të pavarur që përfaqësojnë interesa të bizneseve dhe klaneve të dyshimta.
Kjo frymë e re qytetare, që po përhapet në disa komuna shqiptare, shihet si reagim ndaj pazareve politike dhe mungesës së përfaqësimit të denjë, duke paralajmëruar një ndryshim të madh në mënyrën se si shqiptarët e Maqedonisë së Veriut e shohin politikën dhe pushtetin vendor.
