Të pandalshëm është fjala që e definon ekipin e Inter Miamit deri më tani. Edhe një herë, ata u bënë kryetemë duke arritur një përmbysje 2:3 ndaj Montreal.
Edhe pse Lionel Messi nuk u përfshi direkt në trillerin pesë-golësh, argjentinasi e udhëhoqi ekipin e tij drejt një tjetër rekordi.
Me këtë fitore, Inter Miami ia doli të shkojë në pesë ndeshje radhazi me fitore, për herë të parë në histori të klubit.
Hera e fundit që Inter Miami e humbi një ndeshje ishte në cerekfinale të CONCACAF Ligës së Kampionëve.
Aktualisht, Inter Miami i prin renditjes në Konferencën Lindore me 27 pikë.