Së paku 40 punësime të reja janë të nevojshme që Onkologjia të mund të plotësojë nevojat e pacientëve, raporton TV Sitel. Në vend që një specialist të bëjë 70 ekzaminime në ditë dhe të mos jetë në gjendje t’i përkushtohet siç duhet të sëmurëve, klinika ka paraqitur tashmë kërkesë në Ministrinë e Shëndetësisë, e cila është e nevojshme për ta për momentin, transmeton Portalb.mk.
“Më urgjente për ne janë infermierët, dhjetra infermierë, teknologë të rrezatimit, sepse në periudhën e kaluar kemi pasur braktisje nga ai staf, teknikë mjekësorë dhe normalisht mjekë. Të paktën ata mjekë që janë në specializim privat mund t’u japin atyre kontrata për një kohë të pacaktuar. Vëllimi i punës po rritet, ndaj është e nevojshme të punësohen kuadro të reja”, Igor Stojkovski, u.d drejtor i Klinikës së Onkologjisë.
Një muaj më parë, kur ministri i Shëndetësisë ishte për vizitë në klinikë, bëri të ditur se Onkologjia do të ketë prioritet sa i përket punësimit. Por stafi i ri nuk është problemi i vetëm. Gjithashtu është i nevojshëm aktivizimi i klinikave onkologjike në të gjithë vendin që të mos ketë turma të mëdha dhe pacientët malinj të presin me orë të tëra për ekzaminim apo terapi. Tani për tani në spitalin e ditës është futur turni i dytë, por edhe kjo nuk mjafton.
“Kemi futur një turn të dytë në klinikën ditore që pacientët të mos kthehen, tani po bëjmë përpjekje për të optimizuar procesin dhe profilet e tjera për të punuar një turn të dytë. Me këtë shpresoj se do të zvogëlojmë turmat në hapësirat e pritjes”, thotë Stojkovski.
Ndryshe, Onkologjia ka qenë në fokus të publikut me muaj të tërë pasi shpërtheu skandali me rishitjen e terapisë biologjike vitin e kaluar në shtator. Çështja është në prokurori dhe pacientët ende presin kohë më të mira.