Disa mjete ushtarake të vjetra, përfshirë BTR-të dhe automjetet “Hermelin”, janë shndërruar në automjete për shuarjen e zjarreve pyjore. Këto mjete, që dikur u përkisnin strukturave të armatosura, tani po i përshtaten nevojave të emergjencave civile, me improvizime që ngjallin debat për efikasitetin dhe sigurinë e tyre në terren.
BTR-të janë pajisur me rezervuarë uji me kapacitet prej 6000 litrash dhe janë lyer në ngjyrë portokalli. Ndërkohë, Hermelinët dhe Pinzgauerët po përshtaten me cisterna tërheqëse dhe modifikime të tjera për të shërbyer në terrene të vështira dhe për ndërhyrje në zjarre pyjore.
Punimet po kryhen në një servis afër Kavadarit, ku mjetet po ripërpunohen për t’u shndërruar nga makineri ushtarake në “zjarrfikës të improvizuar”.
Megjithatë, mungesa e transparencës dhe testimeve teknike për këto modifikime ka ngjallur shqetësime për sigurinë dhe funksionalitetin e tyre real në situata emergjente.