Në 25 vjetorin e çlirimit të Kaçanikut, lideri i BDI-së Ali Ahmeti ishte për vizitë në këtë qytet që siç tha, Kaçaniku e çdo pëllëmbë e tokës së Kosovës është e lirë dhe po hapëron drejt përparimit.
Ahmeti tha se përvjetorë të tillë na kujtojnë veprimet që siç i quan ai, sypatrembur të UÇK-së dhe gjakun e derdhur të të rënëve për liri.
“Në mesin e bashkëveprimtarëve të kauzës kombëtare për lirinë e Kosovës, isha sot në Kaçanik në shënimin e 25 vjetorit të çlirimit të kësaj zone nga ana e Brigadës 162 “Agim Bajrami”. Këto përvjetore sjellin në kujtimet tona veprimin sypatrembur të UÇK-së, synimet tona të qarta të lirisë, gjakun e derdhur të bijve e bijave më të mira të kombit. Sot Kaçaniku e çdo pëllëmbë e tokës së Kosovës është e lirë dhe po hapëron drejt përparimit. Lavdi e përjetshme të gjithë atyre që ranë në betejat e lavdishme për lirinë e Kosovës”, ka shkruar Ahmeti.