Qyteti i Shkupit ka lidhur kontratë në vlerë prej 7.7 milionë euro me kompaninë Bauer për ndërtimin e kryqëzimit në bulevardin Sllovenia në pikën ku ai lidhet me rrugën Kaçaniçki, shkruan SDK.
Kjo është faza e dytë e projektit për ndërtimin e kryqëzimit dhe bulevardit në shtrirjen nga Momin Potok deri në bulevardin Sllovenia, me qëllim që të përmirësohet trafiku në këtë pjesë të qytetit.
Në tenderin e shpallur nga Bashkia kishte katër oferta. Sipas të dhënave në faqen e Byrosë së Prokurimit Publik, për ndërtimin e kësaj rruge të rëndësishme, përveç “Bauer”-it, oferta kanë paraqitur edhe kompanitë e ndërtimit “Granit”, “Beton” dhe “Zhikol”. Kompania “Bauer” u zgjodh sepse ka paraqitur ofertën më të lirë.
Bëhet fjalë për të njëjtën kompani që kryetarja Danela Arsovska e gjobiti me 88 mijë euro për ndotjen e Shkupit një muaj pas marrjes së detyrës, në dhjetor të vitit 2021. Siç thanë në atë kohë nga zyra e Arsovskës, kompania “Bauer” hidhte mbeturina si nënkontraktor në punët ndërtimore për ndërtimin e stacionit të ujërave të zeza në Novo Lisiçe. Inspektorët e qytetit kapën një kamion të kompanisë duke derdhur mbeturina në tub kur nuk duhet të ketë asgjë në të.
Nga zyra e Arsovskës nuk kanë dhënë përgjigje për atë se a e ka paguar gjobën Bauer, i cili tani merr para nga Qyteti.
Qyteti i Shkupit paratë për këtë projekt i ka marrë nga Qeveria. Bëhet fjalë për pjesën e dytë të projektit për zgjerimin e bulevardit në rrugën Kaçaniçki, që tani quhet rruga Hasan Prishtina, dhe ndërtimin e kryqëzimeve në Momin Potok dhe në bulevardin Sllovenia. Kryqëzimi pranë Momin Potokut filloi të ndërtohet në kohën e ish-kryetarit Petre Shilegov dhe ishte paraparë të përfundonte deri në shkurt të vitit 2024. Por me ardhjen e Arsovskës në detyrë, punët u ndalën dhe nuk ka asnjë lajm nga ndertimi.
Në gusht të vitit të kaluar, më në fund Qyteti pas dy vitesh ndërtimi përfundoi rrethrrotullimin te “Hubo Market”.