Nga Lotaria e Maqedonisë së Veriut përmes një reagimi kanë mohuar akuzat e opozitës shqiptare (VLEN) për tender të ri për furnizim me 2 mijë aparate të reja për lojëra të fatit. Nga Lotaria kërkojnë që opozita të kërkojë falje, përndryshe thonë se do të parashtrojnë padi për shpifje dhe dëmtim të imazhit.
Reagimi i Lotarisë së Maqedonisë së Veriut:
Lotaria Shtetërore e Maqedonisë së Veriut demanton ashpër dezinformatat dhe të pavërtetat e plasura nga opozita shqiptare për gjoja hapjen e procedurës tenderuese për 2 mijë aparate dhe 2 mijë karrige të reja për lojërat e fatit.
Lotaria Shtetërore e Maqedonisë së Veriut informon opinionin e gjerë se nuk ka pasur dhe nuk ka një procedurë të tillë tenderuese, dhe se informacionet plasohen për qëllime politike dhe për të dëmtuar imazhin e Lotarisë Shtetërore.
Lotaria Shtetërore e Maqedonisë së Veriut kërkon nga eksponenti i opozitës shqiptare që liferojë këto informacione në pres-konferencë me media, por edhe nga koalicioni i opozitës shqiptare që të kërkojnë falje për informacionet e pavërteta të plasuar në opinion, ndryshe do te përballen me padi për shpifje dhe dëmtim të qëllimshëm te imazhit.