Krenar Lloga denoncon: Pabarazi e thellë në punësimet në Institutin e Shëndetit Publik
Nën qeverisjen e VLEN-VMRO, Instituti i Shëndetit Publik është bërë shembull i një pabarazie shqetësuese në punësime – kështu ka deklaruar ish-ministri i Drejtësisë, Krenar Lloga, në një postim publik.
Sipas tij, të dhënat flasin qartë:
7 maqedonas, 0 shqiptarë – Specializantë mjekë
11 maqedonas, 3 shqiptarë – Laborantë dhe motra medicinale
4 maqedonas, 0 shqiptarë – Administratorë
Përveç mungesës së përfaqësimit në punësimet e reja, Lloga thekson se 12 shqiptarë janë larguar nga puna, të cilët më parë ishin të angazhuar me kontratë në vepër në këtë institucion.
“#VasalitetiNUKvlen” – shkruan Lloga, duke e mbyllur denoncimin e tij me një thirrje kundër nënshtrimit politik dhe diskriminimit institucional.
Ky reagim vjen në një kohë kur komuniteti shqiptar në Maqedoninë e Veriut gjithnjë e më shumë ngre shqetësime për përjashtimin nga institucionet publike dhe mungesën e barazisë në tregun e punës.
