Lëvizja “POPULLI” filloi me krijimin e strukturave partiake.
Në prani të kryetarit Skender Rexhepi – Zejdi sonte në komunën e Shutkës, me aklamacion u zgjodh kryetari i degës Orhan Muça, i cili është njëri nga themeluesit e Lëvizjes “POPULLI” dhe i cili në këtë detyrë vjen si aktiviteteti i tij i parë në struktura partiake.
Fjalë rasti pati edhe anëtari i Kuvendit Qendor të Lëvizjes “POPULLI”, Llokman Limani i cili u përqëndrua në rëndësinë e aktivizimit të banorëve të komunës me qëllim të përmirësimit të standardeve jetësore për të gjithë banorët e komunës.
Në fund fjalë rasti pati vet kryetari i Lëvizjes “POPULLI” Skender Rexhepi – Zejdi, i cili pasiqë i përgëzoi organizatorët për një organizim tejet të suksesshëm, foli mbi rethanat politike që gjendet vendi ynë si dhe nevojën e angazhimit politik edhe të atyre qytetarëve të cilët të zhgënjyer nga shumë premtime qeveritare deri sot, kanë abstenuar nga proceset zgjedhore. Më tutje, ai shtoi që, jo vetëm dega e Shutkës por e gjithë Lëvizja “POPULLI” do të jenë zëri i të gjithë qytetarëve duke artikuluar kerkesat dhe nevojat e tyre në të gjitha institucionet relevante në vend.
Në fund u theksua se do të vazhdohet me themelimin e strukturave partiake në komunat tjera, me ç’rast për javën e ardhshme u paralajmërua themelimi i degës së Lëvizjes “POPULLI” në komunën e Çairit.
Levizja “POPULLI” themelon degen e saj ne komunen e Shutkes
