Komuna e Tetovës po e pret lejen për fillimin e punimeve për ndërtimin e stadiumit të qytetit. Kasami thotë se është çështje procedurale dhe për atë datë nuk mund të jep datë, por shprehet optimist se punët do të fillojnë shumë shpejtë.
“Ne jemi duke i përfunduar të gjitha procedurat sa i përket lejes së ndërtimit dhe besojmë edhe këto kur të përfundojë leja, projekti veç më është gati, do të nisin edhe punimet. Por mos japim data të sakta se janë çështje procedurale, mund të kërkohet dhe ndonjë dokument shtesë dhe unë besoj se shumë shpejtë do të kompletohet edhe leje dhe do të nisin punimet”, tha Bilall Kasami, kryetari I Komunës së Tetovës.
Por kush do ta financojë ndërtimin? Kasami në dhjetor të vitit të kaluar tha se nëse bëhet pjesë e pushtetit qendrorë, do të insistojë që për këtë projekt të ndahen mjete edhe nga Qeveria. Garantin qytetarët se do ndanë mjete shtesë për ndërtimin e stadiumit të Tetovës.
“Ne mund të garantojmë tash edhe në aspektin politik se nëse je do të jemi pjesë e pushtetit qendrorë do i garantojmë Tetovës financim shtesë edhe nga Qeveria. Do të financohet ndërtimi i objektit të stadiumit të qytetit që për momentin nuk ka gatishmëri minimale nga Qeveria”, pati deklaruar Kasmi në dhjtor të vitit 2023. E tani që u bë pjesë e Qeverisë në kuadër të koalicionit VLEN, Kasami thotë se do e mbanë premtim, por pret që Ministrisë për sport t’i caktohen kompetencat.
“Qëndrojmë në atë deklaratë që stadiumi pjesërisht do të financohet dhe nga qeveria. Formën dhe mënyrën se si do të shkojë ajo tash më e dini se ka ministri të sportit dhe ende nuk kemi bërë kontaktin e parë me ministrin. Ende nuk dihet fushëveprimi i ministrisë së re, që nga momenti kur do të sistemohet ministria, ministri kushtimisht do të mësoj ingerencat e tij, do të ulemi do të flasim për mundësinë dhe pjesërisht edhe stadiumi i qytetit do të financohet nga mjetet e qeverisë”, tha Kasami.
Ndryshe stadiumi i Tetovës do të kushtojë rreth 10 milionë euro, ndërsa afati i ndërtimit është tre vjet. Punët për prishjen e njërës pjesë të tribunës së stadiumit nisën para tre muajsh. Komuna e Tetovës tenderin e ka hapur përmes Ndërmarrjes për Transport.