“Kërkojnë gjak, duan ta zgjidhin sipas Kanunit”- Babai i Naim Murselit thotë se ditët e besës mbaruan: Policia po më ruan shtëpinë!

Kur kanë kaluar tashmë thuajse 10 ditë nga ngjarja e rëndë në Prishtinë, kur Liridona Ademaj, humbi jetën si pasojë e një atentati natën, në makinën e saj.

Ngjarje kjo që fillimisht u paraqit si grabitje, por më vonë, pas hetimeve u zbulua se ishte porositur nga bashkëshorti i saj, Naim Murseli.

Pas arrestimit të bashkëshortit të të ndjerës, ekzekutuesit dhe personave të tjerë të përfshirë në ngjarje, u tha se familja e Liridonës u dha dy ditë besë, familjes së Murselit, e më pas do të përgjigjeshin sipas Kanunit.

Sipas IndeksOnline, të shtunën e 9 Dhjetorit, babai i Naim Murselit, Shaban Murseli thotë se është vizituar nga pjesëtarë të familjes Ademaj, të cilët i kanë thënë se kanë përfunduar ditët e besës. Ai thotë se shtëpia e tij po ruhet nga Policia e Kosovës dhe se nuk ka se çka të bëjë lidhur me këtë situatë.
“Na kanë ardhë sonte dy persona dhe na kanë thënë qe “na kërkojmë gjak”. Thonë se dojnë përmes Kanunit me e zgjidhë këtë çështje. Tek të tri familjet, dhe jo vetëm tek unë. Unë nuk muj me i thanë dikujt “mos më vraj”. Kur të don le të më vrajnë, unë s’kam çka me ba. S’kam zgjidhje. Policia m’kanë pas thanë që çdo lëvizje, çdo mesazh, me na lajmëru. I thirra e iu thash që jam i kërcenum me jetë. Iu thash që i kam dy fëmijë të mitur në shtëpi. Tash i kam dy patrolla të policisë që janë tu e rujtë shpinë. Ishte edhe një hetues civil. Unë e kam për nipat, se mu të më vrasin kur të dojnë”, mësohet të ketë thënë Murseli.

Ai thotë se gjendja shëndetësore e dy fëmijëve të Liridonës dhe Naimit është e mirë.

Nga ana tjetër, një lajm të tillë e ka mohuar vëllai i Liridonës, Leonardi. Ai thotë se po të donin të bënin një gjë të tillë, do e kishin bërë kohë më parë.

“E kemi përmend se kemi me folë që mos me na dalë ma përpara. Gjakova është e vogël dhe mundemi me u përpjekë në ta. Për këtë arsye kanë çu njerëz, që mos me u përpjekë në ta. Vetëm që ata mos me na dalë përpara. Nëse jemi gjaknxehtë, vjen edhe deri te më e keqja. Ne besojmë në drejtësi, s’kam çka them unë për Kanun. Sikur deri tash që ua kemi lanë autoriteteve, edhe tash atyre ua lajmë”, ka thënë Leonardi.

Ai thotë se fëmijët e Liridonës planifikojnë t’i marrin pranë vetes, kurdo t’i lejojnë autoritetet dhe Qendra Sociale. Ai thotë se nuk i kanë marrë menjëherë fëmijët, për shkak të vizitave që vijojnë në nderim të Liridonës, pranë familjes së saj.

lajmet e fundit

Presidentja Osmani mikpret këngëtaren me famë botërore Bebe Rexha

Presidentja e Kosovës, Vjosa Osmani ka pritur sot në takim këngëtaren e njohur me famë botërore Bebe Rexha. E para e shtetit Vjosa Osmani...

Zbardhet vrasja në Debresh! Arrestohen tre persona, konfiskohet arma dhe vetura

Ministria e Punëve të Brendshme ka njoftuar se është zbardhur vrasja në Debresh të Gostivarit, ku janë arrestuar tre persona dhe ndaj të cilëve...

Pas 13 ditëve në flakë, shuhet zjarri në malin Serta

Zjarri afër Sertës është shuar tërësisht pas 13 ditëve luftë me stihinë e zjarrit, informoi sot komandanti i Njësisë territoriale zjarrfikëse Negotinë, Stole Atanasov. Situata...

Aksident në Kumanovë, dy të lënduar rëndë

Një aksident ka ndodhur këtë pasdite në Kumanovë. Nga terreni mësohet se dy vajza janë lënduar rëndë, pasi u ndeshën me një veturë tjetër...

“Valmir Aziri do të shkojë aty ku e ka vendin”, tha Kasami! I përgjigjet Aziri: Deklaratë politike, e pabazuar në fakte

Ndryshimi i vendit të punës në Facebook, nga “sekretar shtetëror” në Ministrinë e Kulturës në “këshilltar shtetëror”, nga ana e Valmir Azirit ka ngjallur...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu