Koalicioni i opozitës shqiptarë është i gatshëm të bisedojë edhe për idenë e VMRO-DPMNE-së, për heqje të Balancuesit, përcjell TV21. Bilall Kasami dhe Arben Taravari nga ky koalicion sot thanë se propozimi i tyre është që të gjendet mekanizëm që përveç përfaqësimit të etnive në administratën publike, të ketë parasysh edhe sistemin e meritave.
“Qëndrimi i koalicionit VLEN është se edhe në këtë rast ne jemi të gatshëm të flasim vetëm në rast kur kjo do të ishte zgjidhje më e mirë për përfaqësimin e të gjitha etnive në këtë shtet në të gjitha institucionet. Nëse mendohet se të gjithë ata që nuk janë maqedonas në definicion nuk janë të kualifikuar për administratë shtetërore, atëherë është e papranueshme. Nëse kërkohet në pjesën e përfaqësimit, përveç kësaj të jetë edhe kualiteti i njerëzve që do të jenë të punësuar, ne jemi të gatshëm të bisedojmë. Do të thotë të gjejmë zgjidhje që do ta ketë parasysh edhe meritokracisë në pjesën e punësimit në administratë”, tha Kasami.
“Këtë e kemi thënë, jemi të gatshëm për gjithçka të bisedojmë. Të gjejmë mekanizëm tjetër, që është i ngjashëm me Balancuesin, në të cilin edhe përkatësia etnike por edhe sistemi i meritave do të parashihen. Ne jemi të gatshëm për të biseduar për këtë. Kështu që, nëse ulemi , unë shpresoj kushdo, nuk e di se kush do të fitojë, duhet t’i harmonizojmë punët. Qëndrimet tona dhe të tyre”, deklaroi Taravari.