Në një moment që i tejkaloi kufijtë e artit dhe modës, Julian Assange u shfaq në Festivalin e Filmit në Cannes të Francës me një mesazh të fuqishëm dhe rrënqethës për ndërgjegjen e botës. Ai ishte veshur me një bluzë që mbante të stampuar emrat e 4,986 fëmijëve nga Gaza, të gjithë nën moshën pesë vjeç, të cilët humbën jetën që nga viti 2023.
Ky gjest i heshtur por tepër domethënës preku zemrat e miliona njerëzve në mbarë globin, duke sjellë në skenën më të madhe të kinemasë një realitet të dhimbshëm që shpesh lihet në hije.
Ky akt solidariteti nuk ishte vetëm një paraqitje, por një protestë vizuale që i dha zë viktimave më të pafajshme të konfliktit në Gaza – fëmijëve.
“Një mesazh i heshtur që tronditi ndërgjegjen e botës” – u komentua nga shumë personalitete ndërkombëtare dhe media botërore, teksa pamjet e Assange-s qarkulluan me shpejtësi në rrjetet sociale.
Ky moment shënon një nga paraqitjet më të forta dhe më të ndjera politike në historinë e Festivalit të Filmit në Cannes.
