Vladimir Putin do të pushtojë një vend të NATO-s nëse ka sukses në Ukrainë, u paralajmërua sot.
David Petraeus, një ish-gjeneral amerikan dhe ish-shef i CIA-s, pohoi se Lituania do të ishte më në rrezik.
Ai tha se Rusia mund të nisë një inkursion në atë shtet baltik për të testuar vendosmërinë perëndimore ose si një pararendës për një ofensivë më të gjerë, sipas Daily Mail.
Petraeus, i cili drejtoi CIA-n pas një karriere të shkëlqyer ushtarake, kritikoi gjithashtu Presidentin e SHBA-së Donald Trump për dhënien e përsëritur të shanseve të dyta Putinit dhe sulmoi paraardhësin e tij Joe Biden për dështimet në armatosjen adekuate të forcave ukrainase.
Petraeus, i cili udhëhoqi dhjetëra mijëra trupa amerikane, britanike dhe të kombësive të tjera si në Irak ashtu edhe në Afganistan , i bëri thirrje gjithashtu Mbretërisë së Bashkuar të tërhiqet nga marrëveshjet ndërkombëtare që ndalojnë përdorimin e municioneve thërrmuese në fushën e betejës.
Ai shtoi se këto armë mund të jenë një pengesë thelbësore.
Duke folur në organizatën kërkimore Policy Exchange në Londër, Petraeus tha: “Ajo që kemi parë janë tre incidente ku Presidenti i SHBA-së ka kërcënuar se brenda dy javësh do të na duhet të ndjekim një qasje të ndryshme. Do ta shohim këtë herë se çfarë do të ndodhë në të vërtetë. SHBA-të gjithashtu vonuan shumë në vendimet individuale, siç janë tanket M1 [Abrams]. Një i verbër në një natë të errët mund ta shihte se duhej të ishte F-16, një avion luftarak shumëfunksional”.