Në intervistën e fundit të dhënë për Euronews Albania, Zëvendëskryeministri i Maqedonisë së Veriut, Artan Grubi, ka shpalosur vizionin, për koalicion e gjerë që synon të konsolidojë mbështetjen për rrugën evropiane të vendit dhe të bllokojë ndërhyrjet e huaja, veçanërisht ato ruse.
Grubi ka theksuar se takimet e fundit mes partive që pritet ta formojnë këtë front, kanë qenë të frytshme dhe kanë çuar në formimin e një fronti europian, i cili është ndërtuar me qëllim të qartë për të mbrojtur dhe forcuar aspiratat pro-evropiane të qytetarëve.
Ai ka shtuar se sipas sondazheve, Bashkimi Demokratik për Integrim (BDI) pritet të dalë si fitues i qartë i zgjedhjeve, duke e bërë Bujar Osmanin udhëheqës në luftën kundër ndikimit rus dhe duke hapur rrugën për integrimin e vendit në Bashkimin Evropian, njofton indeks.mk.
“Takimet e djeshme dhe shpresoj këto të sotmet janë shumë të frytshme në drejtim të formimit të frontit Europian të cilin e kemi ndërtuar në këtë formë, për arsye se vërtet po formojmë linjën e frontit për të ndërtuar një digë kundër ndërhyrjes ruse, dhe për të ndërtuar sentimentit te qytetarët tanë pro europës. Kemi bërë koalicion me Lëvizjen Populli dhe jemi në bisedime me zotin Thaçi nga Partia Demokratike Shqiptare, me zotin Sela nga Aleanca për Shqiptarët si dhe me zotin Arianit Hoxha, jemi në bisedime me parti turke, dhe me parti rome dhe me shoqërinë civile dhe do të jetë çështje kohësh kur do ta rumbullaksojmë frontin si një tërsi, dhe fitues absolut i këtyre zgjedhjeve, besoj i keni ndjekur edhe sondazhet të gjitha e nxjerrin BDI-në si fitues absolut të zgjedhjeve si e vetme e as që bëhet fjal si koalicion. Kshtu që Bujar osmani do të jetë fitues, dhe do të jetë pararoja e ndikimit rus, për ta parandaluar ndikimin dhe për ta hapur rrugën drejt BE-së dhe do i hapi dyert për fitore edhe në zgjedhjet parlamentare”, tha Grubi.