Geer porositi që të hetohen ndikimet politike dhe incidenti i dhunshëm në M-NAV!

Emërimet në institucionet publike të bëhen në bazë të meritave, që do të nënkuptonte kualifikim, aftësi, përvoja, të mos i përkasë asnjë partie apo të mos bëhen përmes lidhjeve personale, kështu ka deklaruar euroambasadori, David Geer, duke komentuar zhvillimet e fundit në M-NAV, gjatë një aktiviteti në Ministrinë e Mbrojtjes. Ai shtoi se, ka detyrime kur bëhet fjalë për navigacionin ajror dhe detyrimet ndaj BE-së në aspekt të implementimit të tyre. Këtu sipas tij, përfshihet edhe garantimi i pavarësisë së trupit i cili është përgjegjës për navigacionin ajror si dhe rekrutimi dhe angazhimi që çështjet ligjore të përmbushen dhe që burimet njerëzore të përdoren në një mënyrë që do të garantojë sigurinë dhe efikasitetin e shërbimit të navigimit.

“Kur bëhet fjalë për pretendimet e ndryshme në aspekt të ndikimeve të jashtme politike ju bëjmë thirrje autoriteteve të hetojnë dhe të veprojnë. Kur bëhet fjalë për pretendimet në aspekt të hyrjes në objekt, kërcënimet dhe dhuna, ato janë çështje që duhet të hetohen dhe nëse ka shqetësim duhet të reagohet në lidhje me atë” – tha David Geer, euroambasador.

Për ministren e Mbrojtjes, Sllavjanka Petrovska, incidenti në M-MAV është i papranueshëm dhe nuk duhet të ketë kompromis për sigurinë. Ajo tha se gjykata duhet ta rishqyrtojë vendimin e saj.

“Nuk pajtohem me vendimin e Gjykatës dhe mendoj se duhet ta rishqyrtojnë vendimin, nuk dua të ndikojë në vendimet nga pozicioni i ministrit të Mbrojtjes, por mendoj se duhet ta marrin më seriozisht këtë situatë, do të kenë kohë shtesë” – tha Petrovska.

Nga ana tjetër kryeministri Dimitar Kovaçevski kërkon që të zgjerohet inspektimit i punës dhe funksionimit të M-NAV. Ai tha se, Navigacioni i Maqedonisë është në nivel të një kompanie familjare në të cilën ka të punësuar deri në gjeneratën e tretë dhe për këtë ka konflikte që zakonisht ndodhin në shtëpi.

“Duhet të merremi më seriozisht me atë institucion, jo vetëm Qeveria por edhe “Eurokontrolli”. Financimi i tyre është prej aty. Ka disa aspekte të cilat duhet të analizohen. Mendoj se ajo kompani është shndërruar në kompani familjare. Punësimi ka arritur deri më brezin e tretë. Kryetari i sindikatës, babai i tij ka punuar aty, vëllai i tij punon aty. Ata funksionojnë si familje. Ka aq shumë rastësi në atë organizatë” – tha Kovaçevski.

Në lidhje me zhvillimet në M-NAV ka reaguar edhe presidenti i shtetit, Stevo Pendarovski, i cili gjatë ditës së djeshme realizoi edhe një takim me përfaqësuesit e sindikatës së kontrollorëve të fluturimeve, revolta e të cilëve kundër punësimeve partiake, nxiti edhe një incident të dhunshëm javën e kaluar. Pendarovski kërkoi zbardhje të plotë të incidentit.

REKLAMË

REKLAMË

lajmet e fundit

Shaholli: Kandidati i “pavarur”, por i shoqëruar me komitë!

Kandidati i "pavarur", por i shoqëruar me komitë! A është ky kandidati i "pavarur" apo kandidati i deleguar nga Mickua për kryekomunar në Strugës, biznesmeni...

Statistikat që tronditin: 641 ndarje në 5 muaj – po shkatërrohet familja?

Sipas të dhënave të publikuara nga Agjencia e Statistikave të Kosovës (ASK), nga janari deri në maj të këtij viti janë regjistruar plot 641...

Në Strugë liqeni kumbon shqip – Meidani përkrah Inva Mulës dhe Genc Tukiqit

Struga u bë sërish epiqendër e artit dhe dialogut kulturor me edicionin e pestë të festivalit “Struga Fest”, një ngjarje që po kthehet në...

Meloni: Sulmet e ushtrisë izraelite ndaj kishës sonë janë të papranueshme

Një bastisje izraelite në Rripin e Gazës ka goditur Kishën e Familjes së Shenjtë. Përveç kryeministres, fjalë dënimi erdhën edhe nga ministri i Jashtëm Tajani. “Sulmet...

Ademi: VMRO-VLEN hoqën nenin që mbron përfaqësimin e shqiptarëve në polici

VMRO-DPMNE, në bashkëpunim me “Vlen”, ka propozuar fshirjen e nenit 96 nga Ligji për Policinë, nen që parasheh përfaqësim të drejtë dhe adekuat në...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu