Zëvendësministri Arben Fetai ka zhvilluar sot një vizitë në Luginën e Preshevës, së bashku me profesor Nexhmedin Sadikun, kandidat për kryetar të Komunës së Likovës. Ata janë pritur nga kryetarja e Preshevës, Ardita Sinani.
Fetai tha se në takim është diskutuar për “spastrimin etnik administrativ” që po ndodh në Luginë përmes pasivizimit të adresave të shqiptarëve, të cilin e cilësoi si një padrejtësi që nuk mund të kalojë pa reagim.
Në kuadër të takimit, palët u dakorduan për disa hapa konkretë:
• Lehtësimin e kushteve për studentët nga Komuna e Preshevës;
• Aktivizimin e bashkëpunimit trekëndësh Preshevë–Likovë–Gjilan;
• Projekte të përbashkëta në fushën e kulturës, artit dhe sportit.
“Zëri i Preshevës do të dëgjohet gjithmonë në Maqedoninë e Veriut, sepse aty ku ka padrejtësi ndaj shqiptarëve, ne kemi përgjegjësi të reagojmë”, theksoi Fetai. (INA)