Përmbajtja e lajmit:
Në një zhvillim të rëndësishëm brenda skenës politike shqiptare në Maqedoninë e Veriut, edhe një figurë kyçe nga krahu i djathtë i Arben Taravarit ka vendosur t’i japë fund bashkëpunimit me Aleancën për Shqiptarët gupacionit të Arbenit dhe të vazhdojë rrugëtimin politik përkrah Arben Fetait dhe koalicionit VLEN.
Në një reagim publik, ai thekson se vendimi vjen pas konsultimeve me miq dhe duke marrë parasysh zhvillimet e fundit politike, duke nënvizuar se nuk ka vend për hatërmbetje personale apo ngarkesa emocionale në rrugën drejt ndryshimit.
“Duke u konsultuar me miq, edhe i vetëdijshëm për zhvillimet politike, dua të qartësoj se mbetemi në rrugën e nisur për ndryshim që para zgjedhjeve të vitit 2024. Ashtu si e filluam, ashtu edhe do të vazhdojmë, për ndryshimin që ka filluar, e që patjetër ka ende për të punuar. Pa ngarkesa personale dhe hatërmbetje – rrugëtimi politik kërkon qëndrueshmëri, vizion dhe angazhim. Ne jemi të bindur në rrugëtimin tonë, me VLEN për ndryshim.”
Ky veprim shihet si një tjetër goditje për Arben Taravarin, i cili pas zgjedhjeve parlamentare të majit 2024 po përballet me një valë largimesh dhe me sfida të brendshme për unitetin e partisë. Lëvizja gjithashtu përforcon pozicionin e Arben Fetait dhe VLEN-it si një platformë gjithnjë më tërheqëse për figurat që kërkojnë një qasje të re në politikë.