Mediat izraelite kanë raportuar se dromët iranianë pritet të arrijnë territorin izraelit në orën dy pas mesnate të dielën.
Izraeli është në gatishmëri të lartë dhe se është duke përcjellë dromët, por me shumë gjasë sistemi izraelit “Iron Dome” pritet t’i shkatërrojë.
Ndërkaq, zyrtarët amerikanë kanë njoftuar se sulmi i Iranit ndaj Izraelit pritet të zgjasë për disa orë.
Presidenti amerikan Joe Biden është në Shtëpinë e Bardhë dhe vazhdimisht po informohet në lidhje me situatën.
Shtëpia e Bardhë ka konfirmuar se pozicioni i presidentit është në përkrahje të sigurisë së Izraelit dhe se SHBA-ja do të qëndrojë përkrah popullit izraelit dhe do të përkrahë mbrojtjen ndaj këtyre kërcënimeve të Iranit.
Republika Islamike e Iranit ka nisur këtë sulm në shenjë hakmarrjeje për vrasjen e disa komandantëve iranianë nga bombardimi që besohet se është realizuar nga Izraeli.