Dauti: Në Kuvend ligji që mund të lë 260 mijë qytetarë jashtë përfaqësimit – 66% shqiptarë

Deputetja e ASH-së, Ilire Dauti ka alarmuar për seancën e sotme të Kuvendit që sipas saj është në rrezik përfaqësimi i 260 mijë qytetarëve, për shkak të shlyerjes së tyre, ku 66% janë shqiptarë.

Sipas saj, në shtator të vitit të kaluar, në heshtje dhe pa asnjë kundërshtim nga pjesëmarrësit në Qeveri, kaloi vendimi për përjashtimin e 260.000 qytetarëve nga përllogaritja për përfaqësim në punësime, buxhet dhe pushtet lokal.

“Prej tyre, 66% janë shqiptarë, mbi 172.900 persona. Tani, ky vendim po tentohet të bëhet ligj, përmes ndryshimeve në Ligjin për vetëqeverisjen lokale, që nesër do të jetë në seancë plenare në Kuvend”, shkruan deputetja Ilire Dauti.

Postimi i plotë i deputetes Ilire Dauti i publikuar mbrëmë:

Nesër (28.05.2025) në Kuvend – në rrezik përfaqësimi i 260.000 qytetarëve, shumica shqiptarë!

Në shtator të vitit të kaluar, në heshtje dhe pa asnjë kundërshtim nga pjesëmarrësit në Qeveri, kaloi vendimi për përjashtimin e 260.000 qytetarëve nga përllogaritja për përfaqësim në punësime, buxhet dhe pushtet lokal. Prej tyre, 66% janë shqiptarë, mbi 172.900 persona.

Tani, ky vendim po tentohet të bëhet ligj, përmes ndryshimeve në Ligjin për vetëqeverisjen lokale, që nesër do të jetë në seancë plenare në Kuvend. Kjo nënkupton që mërgata jonë – pjesë e pandarë e popullit – të fshihet nga numri i këshilltarëve në komunat tona.

Kjo nuk është vetëm padrejtësi statistikore, por një goditje e rëndë ndaj përfaqësimit politik të shqiptarëve dhe të gjithë qytetarëve që jetojnë jashtë përkohësisht, por që mbajnë lidhje të forta me vendlindjen.

Vetëm nga ndarja e kredisë hungareze, vendbanimet shqiptare morën afro 8.5 milionë euro më pak. Tash po zvogëlohet edhe numri i këshilltarëve.

Të flasim me fakte tani, që të mos mbetemi duke numëruar pasojat më vonë.

REKLAMË

REKLAMË

lajmet e fundit

Dehari sërish për Kërçovën – BDI zyrtarizon edhe disa kandidatë për kryetarë komunash

Arbër Ademi ka dalë në paraqitje para mediave pas mbledhjes së BDI-së në Reçicë të Vogël dhe ka kumtuar edhe disa nga emrat e...

Inteligjenca kroate: Serbia e Rusia po destabilizojnë rajonin

Shërbimi i inteligjencës kroate ka hartuar një raport për sigurinë në rajonin e Ballkanit. Aty përmendet rasti i sulmit terroristë në Banjskë dhe projekti...

Vuçiq: Nuk do ta njoh vendimin për dënimin e Dodikut

Presidenti i Serbisë, Aleksandar Vuçiq deklaron, se nuk do ta njohë vendimin gjyqësor për dënimin e udhëheqësit të serbëve të Bosnjes Milorad Dodik dhe...

Serbia i shiti më shumë municione Izraelit në 6 muajt e parë të 2025, sesa gjatë gjithë vitit të kaluar

Serbia i ka shitur më shumë municione Izraelit në gjashtë muajt e parë të vitit 2025, sesa gjatë gjithë vitit të kaluar 2024, transmeton...

Zelensky: Mercenarë nga Kina, Pakistani dhe Afrika po luftojnë kundër trupave ukrainase

Presidenti ukrainas, Volodymyr Zelensky ka pretenduar se trupat ukrainase në verilindje të vendit po luftojnë kundër “mercenarëve” të huaj nga vende të ndryshme, përfshirë...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu