Çashkë: Deputeti i VMRO-DPMNE-së kundër mësimit në gjuhën shqipe!

Zdravkovski: Kemi linja të kuqe, nuk lëshojmë pe

“Kemi linja të kuqe. Oferta e vetme dhe e fundit është ndërtimi i shkollës në fshatin Banjicë të Komunës Çashkë ku do të ketë mësim në gjuhën shqipe dhe nuk do të lëshojmë pe. Çashka është zemra e Maqedonisë”.

Kërcënimi vjen nga deputeti i VMRO-DPMNE-së, Igor Zdravkovski, i cili mbrëmë ka protestuar kundër hapjes së paraleles shqipe në këtë Komunës.

Ai ka përdorur fjalor fyes ndaj Drejtorit të Inspektoratit të Arsimit, Halit Ferati, kurse tentativat për hapjen e paraleles shqipe I ka quajtur provokime politike për të shkaktuar incidente ndëretnike.

“Kësaj radhe, këta “kaçakë” që udhëhiqen nga Halit Ferati, publikisht e them, që dëshiron të bëhet “I fortë” në lagjen e tij në Jabollçisht, tani që ka fuqi dëshiron të shkaktojë incidente përmes fëmijëve, për të pushtuar territore. Mendoj se si Maqedonas, kjo është gjëja e fundit që e kemi lënë dhe se nga kjo kërkesë nuk duhet të tërhiqemi”, ka thënë Zdravkovski.

Por, jo vetëm kaq! Sic duket nga fjalimi, Deputetit të VMRO-DPMNE-së, i pengojnë objektet fetare dhe hoxhallarët.

“Ata supozoj se sonte do të dëgjojnë nga malet, duhet të kuptojnë se hoxhallarët dhe xhamitë nuk punojnë për zhvillimin e fëmijëve të tyre, për shkak se problemet e njëjta në arsim I kemi edhe ne”, tha deputeti i VMRO-së, Igor Zdravkovski.

Përmes rrjeteve sociale ka reaguar edhe Drejtori i Inspektoratit të Arsimit, Halit Ferati. Fjalimin e tij e ka quajtur gjuhë të urrejtjes, me shprehje shovene, fjalim në baza etnike që nuk i kontribuon raporteve ndëretnike në Komunën e Çashkës. Ferati paralajmëron padi private.

“Për të gjitha shpifjet, të gjitha të pavërtetat dhe fyerjet në bazë nacionale dhe gjuhës së urrejtjes, prishjes së rendit dhe qetësisë e bashkëjetesës në rrethin tonë, si dhe fyerjet dhe të pavërtetat që i ka thënë për emrin dhe mbiemrin tim e që nuk ngjajnë për nivelin e një deputeti, do të ngritet aktpadi private”, thotë Halit Ferati, drejtor i Inspektoratit të Arsimit.

Prindërit e nxënësve të Shkollës Fillore “Todor Janev” në Çashkë, që nga e marta janë duke bllokuar mësimin, për shkak të vendimit të Ministrisë së Arsimit për të formuar paralele në gjuhën shqipe në këtë shkollë./KlanMacedonia

lajmet e fundit

Taravari viziton familjen e foshnjës që u dhunua në spital, a do të lejojë VMRO të shkarkohet nga puna një maqedonase!?

Pasi u raportua se një foshnje tre muajshe është dhunar nga motrat mendicinale në spitalin e Pediatrisë në Shkup, që siç thuhet, vetëm se...

Spanjë apo Angli? Kush merr bonuse më të mëdha nëse shpallet kampion në Euro 2024

Lojtarët e Spanjës dhe Anglisë do të luajnë për të fituar trofeun e Euro 2024, por edhe për bonuse të majme që do të...

Jakupi: s’VLEN dhe VMRO shkarkojnë komandantin shqiptar nga stacioni i Gostivarit, emërojnë maqedonas

Nënkryetari i ri i Aleancës për Shqiptarët, njëherë edhe kampion europian në karate, Berar Jakupi, përmes një statusi në “Facebook”, ka reaguar për “ndryshimin...

Kylian Mbappe, futbollisti më i shpejt i Euro 2024

Të dielën zhvillohet finalja e madhe mes Anglisë dhe Spanjës në Euro 2024. Kylian Mbappe, është futbollisti më i shpejt në Euro 2024, me 36.5...

“Yamal nuk duhet të ketë presion”, De la Fuente: Dua të jetë i qetë para finales

Ka shënuar 1 gol dhe ka asistuar 3 të tjerë, në Euro 2024 dhe mbrëmjen e së dielës do të ketë mundësinë të fitojë...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu