BDI tërheq kryetarët e komunave nga BNJVL? Shkak keqpërdorimi politik

TV21 mëson se BDI është duke menduar për t’i tërhequr kryetarët e saj të Komunave nga Bashkësia e Njësive të Vetëqeverisjes Lokale. Siç mësohet, kjo mund të bëhet për shkak të keqpërdorimit të kësaj bashkësie për qëllime politike nga pushteti aktual. Mësohet se disa kryetarë komunash që vijnë nga radhët e Frontit Europian janë anashkaluar dhe nuk janë thirrur në koordinimet që janë bërë në kuadër të BNJVL-së. Kjo i ka revoltuar ata, duke i bërë të ngrenë iniciativë për të shqyrtuar pjesëmarrjen e tyre të mëtejme në Bashkësinë e Njësive të Vetëqeverisjes Lokale.