Deputeti i Partisë Demokratike të Kosovës (PDK), Xhavit Haliti, në kontekst të diskutimeve për 25-vjetorin e Rambujesë në “Pressing”, akuzoi disa figura politike se tentuan të pengonin njohjen e Ushtrisë Çlirimtare të Kosovës (UÇK) përmes Presidentit amerikan Bill Clinton.
Sipas deklaratave të Halitit, institucionet kryesore të Kosovës në atë kohë kanë dërguar përfaqësues të tyre në Uashington për të kërkuar që administrata e Presidentit Clinton të mos e njohë UÇK-në.
“Ka pas përpjekje për me hy në një proces më herët politik para ofensivës por ka pas edhe përpjekje shumë të mbrapshta të institucioneve të Kosovës që kanë shku në Washington te Bill Clinton dhe i kanë kërku që të mos na njohin neve [UÇK-në]”, tha Haliti.
Në këtë kontekst, gazetari Baton Haxhiu përmendi disa emra të figurave të politikës së Kosovës të asaj kohe në pyetjen e Goranit se “kush ishin këta persona”.
“Ibrahim Rugova, Pajazit Nushi, Bujar Bukoshi, Veton Surroi dhe Fehmi Agani”, tha Haxhiu.