Banorët e Banjicës bllokojnë punimet e “Bechtel dhe Enka”

Banorët e Banjicës së Epërme dhe të Poshtme kanë bllokuar sot në mëngjes rrugën rajonale që kalon nëpër fshatrat e tyre dhe nuk kanë munguar as punonjësit e kompanisë “Bechtel dhe Enka” të cilët punojnë në trasenë e Korridorit 8.

Bllokada e rrugës është një shenjë revolte nga mënyra se si e zbaton shpronësimin.

Bllokimi, siç thanë ata, vjen nga qëndrimi injorant i autoriteteve dhe institucioneve të tjera në adresimin e kërkesave të tyre. Pjesëmarrësit e protestës theksuan se askush nuk i mbrojti dhe nuk u interesua për interesat e tyre gjatë procesit të shpronësimit. Banorët janë ankuar se për tokën që po konfiskohet marrin kompensim joadekuat prej dhjetë euro për metër katror.

Përfaqësuesi i pjesëmarrësve në bllokadë, Abdulaqim Asipi tha se nuk kanë marrë përgjigje për kërkesat që i kanë dërguar autoriteteve dhe as nuk janë thirrur për bisedë. Ai sqaroi se një pjesë e tokës nuk blihet për nevojat e rrugës, por për ndërtimin e kampeve për punonjësit, të cilat shteti do t’i shesë më vonë për ndërtimin e pikave të karburantit dhe objekteve të tjera tregtare.

Ata njoftuan se nga sot dhe në tri ditët në vijim do t’i ndërpresin punimet e kompanisë “Bechtel dhe Enka” me bllokada gjithëditore me vetura, si dhe planifikojnë të bllokojnë komunikacionin në rrugën kryesore Gostivar-Kërçovë.

Deri më tani, rreth gjysma e pronarëve të tokave bujqësore që do të konfiskohen për ndërtimin e një autostrade të Korridorit 8 kanë marrë vendime për konfiskim të përhershëm. Banorët e Banjës u bënë apel institucioneve kompetente që të ulen sa më parë dhe të gjejnë një zgjidhje të përbashkët.(INA)

lajmet e fundit

Goditet nga energjia elektrike, humb jeten 19 vjeçari nga Shkupi

Në ora 23:43 në SPB Shkup është raportuar se L.L (19) nga Shkupi ka ndërruar jetë në një festë në shtëpi. Sipas raportit, pas...

Presidentja Osmani mikpret këngëtaren me famë botërore Bebe Rexha

Presidentja e Kosovës, Vjosa Osmani ka pritur sot në takim këngëtaren e njohur me famë botërore Bebe Rexha. E para e shtetit Vjosa Osmani...

Zbardhet vrasja në Debresh! Arrestohen tre persona, konfiskohet arma dhe vetura

Ministria e Punëve të Brendshme ka njoftuar se është zbardhur vrasja në Debresh të Gostivarit, ku janë arrestuar tre persona dhe ndaj të cilëve...

Pas 13 ditëve në flakë, shuhet zjarri në malin Serta

Zjarri afër Sertës është shuar tërësisht pas 13 ditëve luftë me stihinë e zjarrit, informoi sot komandanti i Njësisë territoriale zjarrfikëse Negotinë, Stole Atanasov. Situata...

Aksident në Kumanovë, dy të lënduar rëndë

Një aksident ka ndodhur këtë pasdite në Kumanovë. Nga terreni mësohet se dy vajza janë lënduar rëndë, pasi u ndeshën me një veturë tjetër...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu