Aleanca për Shqiptarët ka komentuar mënyrën se si do të ndahen ministritë në Qeverinë VMRO-VLEN ku ka thënë se për herë të parë shqiptarët do të drejtojnë vetëm 4 ministri nga 19 që janë gjithsej duke e bërë krahasimin me qeveritë e kaluara dhe ministtitë që udhlheqeshin nga shqiptarët.
“Përgjatë këtyre tre dekadave shqiptarët në RMV kanë drejtuar më së paku 5 nga 15 resore ministrore, gjegjësisht 6 nga 15 ministri dhe së fundi 8 resore nga 16 (pa përmendur këtu ministrat pa portofol/zëvendëskryeministrat apo edhe ato në detyrë). Ndodh që për herë të parë shqiptarët të drejtojnë vetëm 4 resore ministrore në Qeverinë e paralajmëruar nga VMRO-VLEN, dhe atë 4 nga 16 resore. Biles, edhe më keq, do bëjnë ndryshime ligjore që të bëhen 4 nga 19, e që do të jetë ekzekutimi politiko-institucional i shqiptarëve të RMV-së. Nuk ka resor Ministri për Integrim – NUK EKZISTON. Nuk ka resor Ministri për Qeverisje të Mirë – NUK EKZISTON. Do jenë dy ministra pa resor që do të kenë nga 5 të punësuar, një shofer e një fotograf. S’ka lidhje be shoç, veç të hyjmë njëherë mandej e shohim”, thuhet në reagimin e Aleancës për Shqiptarët.