Prokuroria Speciale e Republikës së Kosovës, përmes një komunikate për media ka dhënë detaje rreth operacionit në lidhje me dyshimet për kryerjen e veprës penale të spiunazhit, aksion që kanë realizuar sot së bashku me AKI-në dhe Inspektoratin Policor të Kosovës. Në komunikatë konfirmohet arrestimit i togerit të policisë Bojan Jevtić.
Në komunikatë shtohet edhe se i arrestuar nën dyshimet për kryerje të veprës penale ‘’spiunazh’’ është ndaluar për 48 orë.
Po ashtu, është konfirmuar edhe se gjatë bastisjes në shtëpinë e të dyshuarit në një fshat të Kamenicës janë sekuestruar prova materiale siç janë: dokumente konfidenciale të Policisë së Kosovës, disa telefona të mençur, usb, një armë e shkurtë, municion, para të gatshme në vlerë prej 10.000 euro, 2 milionë dinarë serbë, 600 franga zvicerane dhe prova tjera.
closevolume_off
Tutje shtohet edhe se, IPK ka rekomanduar suspendimin e togerit policor i cili ka qenë i angazhuar në pozitën e shefit të operativës në policinë kufitare në pikë kalimin kufitar “ Dheu i Bardhë”.
Komunikata:
Prokuroria Speciale e Republikës së Kosovës
Inspektorati Policor i Kosovës
ARRESTOHET TOGERI POLICOR B.J, DYSHOHET PËR “SPIUNAZH”
Prishtinë, 17 Korrik 2025 – Prokuroria Speciale e Republikës së Kosovës, njofton opionin publik se ka përfunduar me sukses operacioni i filluar mengjesin e së enjtes, ku nën dyshimet për kryerjen e veprës penale “spinuazh”, është arrestuar togeri policor B.J .
Hetimet e zhvilluara në bashkëpunim me Inspektoratin Policor dhe Agjencinë e Kosovës për Intelegjencë kanë rezultuar me ndalimin dhe arrestimin e të pandehurit për 48 orë.
Gjatë bastisjes në shtëpinë e të dyshuarit në një fshat të Kamenicës janë sekuestruar prova materiale sic janë: dokumente konfidenciale të Policisë së Kosovës, disa telefona të mencur, usb, një armë e shkurtë, municion, para të gatshme në vlerë prej 10.000 euro, 2 milionë denarë serbë, 600 franga zvicerane dhe prova tjera të cilat do të ekzaminohen gjatë procedurës hetimore.
Inspektorati Policor i Kosovës ka rekomanduar suspendimin e togerit policor i cili ka qenë i angazhuar në pozitën e shefit të operativës në policinë kufitare në pikë kalimin kufitar “ Dheu i Bardhë”.
Prokuroria Speciale e Republikës së Kosovës, brenda afatit ligjor në përputhje me Kodin e Procedurës Penale, do të parashtroj kërkesën për caktimin e masës së paraburgimit në Gjykatën Themelore në Prishtinë.