Kryeministri i Kosovës, Albin Kurti, ka shtruar drekë për kampionin olimpik, Shaban Tërstena, sportistin e parë shqiptar që ka fituar medalje të artë në Lojërat Olimpike.
Gjatë këtij takimi u bisedua për Lojërat Olimpike që do të mbahen në Paris dhe për Lojërat Mesdhetare 2030 që do të organizohen nga Kosova.
“Bashkë me zëvendësministren e Kulturës, Rinisë dhe Sportit, Daulina Osmani sollën në kujtim arritjet kryesore të z. Tërstena, përgatitjet e tij, sfidat e kohë. Biseduan rreth potencialit dhe pritjet për sportistët shqiptarë në Lojërat Olimplike 2024 që do të mbahen në Paris nga 26 korriku deri me 11 gusht. Gjithashtu diskutuan edhe për përgatitjet që shteti i Kosovës po bën për organizimin dhe mikpritjen e Lojërave Mesdhetare 2030”, thuhet në njoftimin e qeverisë së Kosovës.
Kujtojmë se Tërstena, 40 vjet më parë, në vitin 1984 në Los Angeles në kategorinë -52kg në mundje kur i kishte vetëm 19 vjeç, u bë mundësi më i ri në Botë që ka fituar medalje të artë olimpike.