Eurodeputeti bullgar nga Partia Popullore Evropiane (PPE), Andrej Kovaçev, kërkoi miratimin urgjent të ndryshimeve në Ligjin për shtetësinë bullgare gjatë një takimi me gazetarë bullgarë në Bruksel.
Sipas Kovaçevit, ligji aktual është “jologjik” dhe nuk mundëson legjitimimin e duhur të komunitetit bullgar në Republikën e Maqedonisë së Veriut. Ai bëri thirrje që ligji të ndryshohet sa më shpejt të jetë e mundur.
Projektligji parashikon që një pjesë e të dhënave personale të personave që kanë marrë shtetësi bullgare të bëhen publike. Kjo kërkohet me qëllim që të konfirmohet identifikimi i tyre si bullgarë etnikë.
Kovaçev theksoi se me këtë do të konfirmohet edhe sa i madh është komuniteti bullgar në Maqedoninë e Veriut dhe cilët persona kanë dokumente bullgare identifikimi, transmeton TS.
Eurodeputeti përshkroi procesin e marrjes së shtetësisë dhe specifikoi numrin e personave:
“Një regjistër publik në Ministrinë e Drejtësisë me një numër të kufizuar të dhënash për emrin dhe vendbanimin e personit të interesuar, i cili ka kërkuar dhe ka marrë shtetësi bullgare. Ata janë pothuajse mbi 170-180 mijë në lidhje me Maqedoninë, dhe aktualisht ka ndoshta mbi 15-20 mijë të tjerë që janë në proces shqyrtimi. Ju vetë keni ardhur me dëshirë dhe keni thënë: ‘Ja, gjyshja, gjyshi, ata janë bullgarë. Ja dokumentet që tregojnë se kanë qenë në Egzarkinë bullgare, në ushtri, në shkollën bullgare. Unë kam nënshkruar një deklaratë se ndihem si bullgar etnik dhe në bazë të kësaj marr shtetësi bullgare’, ka deklaruar Kovaçev
Marketing