Një qytetar i Strugës ka reaguar publikisht, duke denoncuar një rast të uzurpimit të hapësirës publike në qytet. Sipas tij, kandidati për kryetar të Komunës së Strugës, Mendi Qyra, po shfrytëzon pronën publike për interesat e tij private.
“Dua të denoncoj një rast flagrant të uzurpimit të pronës publike! Si ka mundësi që kandidati që premton parkingje dhe garazha, nuk mund të zgjidhë problemin me parkingjet që kanë pronat e tij private?! Më duket shumë e pakuptimtë dhe një rast i pashpresë që ky njeri të bëjë gjëra të mira për qytetin, kur në fakt i njëjti uzurpon hapësirat publike për t’i kthyer ato në parkingje për bizneset e veta,” – thuhet në reagimin e qytetarit.
Banorët kërkojnë nga institucionet kompetente që të ndërhyjnë dhe të verifikojnë rastin, për të mbrojtur hapësirat publike që u takojnë qytetarëve të Strugës.