Pas publikimeve të Vërtetmatës.mk, se në tregun e RMV qarkulluakan celular për 123 denarë kanë reaguar edhe nga MPB. Ministria e Punëve të Brendshme informon se ditët e fundit ka pasur një postim të rremë në rrjetet sociale ku pretendohet se disa kompani të vogla teknologjike gjoja po ofrojnë pajisje moderne telefonike përmes një “programi të brendshëm” për shkak të paketimit të dëmtuar, transmeton Portalb.mk.
“Nëse vini re një postim të tillë: MOS klikoni në lidhje në postime të tilla, MOS ndani informacione personale, MOS bini pre e historive që luajnë me emocionet për të mashtruar besimin tuaj” thuhet në apelin e MPB-së.
Ata shtojnë gjithashtu se kompanitë e teknologjisë nuk kanë faqe sekrete për telefona “specialë” dhe nuk i ofrojnë produktet përmes rrjeteve sociale ose kanaleve jozyrtare.
“Nëse shihni postime të tilla, raportojini menjëherë në stacionin më të afërt të policisë”, porosisin nga MPB.