Presidentja Vjosa Osmani ka folur për vizitën që e pati në ShBA.
Ajo ka thënë se Kosova mori mbështetje nga ShBA-ja.
“Njëra në ShBA dhe tjetra në Letoni, në ShBA kemi pasë takime jashtëzakonisht të rëndësishme.
Në të gjitha këto takime pa dallim u konfirmuar se ShBA-ja e shohin Kosovën si aleate strategjike. U rikonfirmua përkrahja për shtetin tonë, për sovranitetin e Republikës sonë, për integrimin euroatlantik, si dhe për anëtarësimin në Kombet e Bashkuara”, tha Osmani.
Presidentja Vjosa Osmani deklaroi se në muajin maj kanë marrë informata që Serbia ka tendenca destabilizuese ndaj Kosovës.
“Në fund të muajit maj kemi marrë informata specifike. Gënjeshtrat e Serbisë janë pjesë e propagandës së tyre të vazhdueshme. I sigurojë qytetarët që nuk ka nevojë për panik. Kërcënimet nga Serbia janë të vazhdueshme, megjithatë institucionet tona kanë gjithçka nën kontroll”, tha ajo.
Osmani tha se qytetarët janë informuar për këto tendenca, teksa përmendi edhe deklarimet e ministrit në detyrë të Mbrojtjes, Ejup Maqedonci, raporton KosovaPress.
Në konferencë për media, presidentja Osmani deklaroi se në Shtetet e Bashkuara të Amerikës ka pasur takime jashtëzakonisht të rëndësishme. Ajo tha para mediave se në këto takime u konfirmua se Shtetet e Bashkuara të Amerikës e shohin Kosovën si aleat strategjik.
Presidentja e Kosovës Vjosa Osmani, sot do të mbajë një konferencë për media.
Kjo ngjarje pritet të nisë me fillim nga ora 16:30, thuhet në njoftimin e Presidencës.
Konferenca pritet të mbahet në Kabinetin e shefës së shtetit.
Osmani ka paralajmëruar se në këtë konferencë do të flas edhe për raportimet se Kosova ishte cak i tentim sulmit nga ana e Serbisë.