Burime të afërta me koalicionin opozitar shqiptar VLEN bëjnë të ditur se emri i Dr. Fadil Canës, drejtor aktual i Klinikës për Sëmundje Infektive në Shkup, po shqyrtohet seriozisht si kandidat për kryetar të Komunës së Gostivarit në zgjedhjet lokale të vitit 2025.
Dr. Cana është një figurë e njohur në fushën e mjekësisë dhe opinionin publik, sidomos për rolin e tij të spikatur gjatë menaxhimit të krizave shëndetësore. Brenda VLEN-it ai shihet si një profil me integritet të lartë dhe potencial për të sjellë një frymë të re në udhëheqjen lokale.
Diskutimet për kandidaturën e tij vijnë në një moment kur opozita shqiptare po shqyrton me kujdes alternativat për të sfiduar seriozisht në bastionin politik të Gostivarit. Ende nuk ka konfirmim zyrtar, por përmendja e emrit të Dr. Canës brenda strukturave të koalicionit konsiderohet një sinjal i qartë i orientimeve të reja për zgjedhjet që po afrojnë.