“Ditë e mirë me diell…”, është mesazhi që shoqëron një fotografi të postuar nga shoferi personal i Fatmir Limanit, ku shihen së bashku në një udhëtim me makinë vetë Limani dhe deputeti në dorëheqje, Salim Sulejmani, shkruan Flaka
Postimi vjen vetëm një ditë pas denoncimit të Sulemanit në Policinë e Strugës, ku kishte deklaruar se ishte “kërcënuar” nga dy djemtë e Garip Kabës – Landi dhe Bardhok Kaba. Policia veproi menjëherë duke i ndaluar të dy vëllezërit, të cilët më pas u lanë të lirë pas disa orësh mbajtje në Stacionin Policor të Strugës.
Garip Kaba reagoi publikisht duke e quajtur denoncimin të motivuar politikisht dhe pa baza. Ai u shpreh: “Hoxha i ‘ngujuar’ nga Malet e Sharrit është mirë të thirret në ndërgjegjen e vet dhe të vazhdojë misionin e tij, por jo me këto lojra të pista”, duke aluduar qartë për deputetin në dorëheqje, Salim Sulemani.
Ky i fundit njoftoi se dorëhiqet nga ASH dhe nga posti i deputetit me motivacionin se nuk mund të pranon afrimin e kësaj partie me BDI-në. Ndërkohë që para disa ditëve kishte postuar fotografi në përkrahje të liderit të ASH-së, Arben Taravari.
Në reagimin e tij, Kaba tha që Sulejmani kishte bërë pazare me pushtetit për të dhënë dorëheqje nga posti i deputetit të ASH-së, për tu bërë ambasador.
Rasti ka ngjallur reagime të shumta në opinionin publik dhe po shihet si pjesë e tensioneve në rritje mes aktorëve politikë shqiptarë. Flaka Media