Biznesmeni Arif Fazliu nga Prizreni i është bashkuar radhës së vakëflënësve, duke dhuruar në emër të Allahut shtëpinë e tij si vakëf për Bashkësinë Islame.
Shtëpia e dhuruar ka një sipërfaqe prej 800 metra katrorë, me 182 metra katrorë truall, dhe ndodhet në lagjen Terzimahalla në Prizren. Vlera e saj vlerësohet rreth gjysmë milioni euro.
Në emër të Këshillit të Bashkësisë Islame të Prizrenit, kryetari Valon ef. Ibrahimi dhe kryeimami dr. Orhan ef. Bislimaj falënderuan z. Fazliu për këtë akt fisnik dhe domethënës në shërbim të Bashkësisë Islame dhe umetit.
Arif Fazliu, biznesmen i suksesshëm me veprimtari në Zvicër, njihet për kontributin e tij të vazhdueshëm në projekte bamirësie, si në Kosovë ashtu edhe në mërgatë.