Zhvillim i ri në ITSHKSH: Besnik Emini emërohet drejtor i përkohshëm pas një gare të ngushtë votash
Pas dorëheqjes së drejtorit të deritanishëm Skender Hasani, Instituti për Trashëgimi Kulturore të Shqiptarëve (ITSHKSH) ka emëruar një drejtues të përkohshëm, në pritje të shpalljes së konkursit të rregullt për këtë pozitë.
Në votimin e mbajtur nga bordi drejtues i Institutit, përballja ishte mes kandidatit të mbështetur nga Alternativa dhe kandidatit të propozuar nga BDI. Në këtë proces, krahu i Taravarit nga Aleanca për Shqiptarët luajti një rol vendimtar duke mbështetur kandidatin e BDI-së. Rezultati përfundimtar ishte 5 me 4 në favor të Besnik Eminit, i cili tani merr drejtimin e përkohshëm të Institutit.
Ky vendim shënon jo vetëm një ndryshim në udhëheqjen e institucionit, por edhe një rreshtim të ri politik në sfondin e bashkëpunimit ndërmjet subjekteve shqiptare në Maqedoninë e Veriut.