Nënkryetari i BDI-së, Arbër Ademi tha se, është ndërprerë procedura për shkarkimin e kryeprokurorit Lupço Kocevskit, pasi ky i fundit ndoqi linjën partiake. Ademi tha se pasi ndodhi tragjedia në Koçan, është ndjekur linja partiake gjatë fazës parahetimore dhe hetimore dhe më pas u stopua procedura për shkarkimin e kryeprokurorit. siç thotë nënkryetari i BDI-së, bëhet fjalë për kapje të shtetit edhe të Gjyqësorit edhe të Prokurorisë.
“Bëhet fjalë për kapje të shtetit edhe të Gjyqësorit edhe të Prokurorisë. Iniciohet procedure për shkarkim, publikisht thuhet se kjo procedure ka filluar dhe nuk ka kthim mbrapa. Ndodh tragjedia e Koçanit, ndiqet linja partiake gjatë fazes parahetimore dhe hetimore dhe dalin dhe thonë, po e stopojmë një procedurë të tillë. Fillon procedura e shkarkimit të prokurorit, stopohet procedura e shkarkimit të prokurorit posa të ndiqet linja partiake. Ne nuk do të heshtim”, tha Ademi.