Moti sot do të jetë me diell dhe relativisht i ngrohtë me vranësira të vogla deri mesatare dhe me erë të lehtë deri mesatare nga drejtimi jugor. Nëpër disa lugina do të ketë paraqitje të mjegullës ose vranësira të ulëta dhe temperaturë më e ulët e ditës.
Sinoptikët paralajmërojnë temperaturë minimale në interval prej -2 deri 4 dhe maksimale prej 6 deri 15 gradë.
Në Shkup kryesisht vranët dhe qetë me paraqitje të mjegullës. Temperatura minimale do të bie deri në -1, ndërsa ajo maksimale do të arrijë deri 6 gradë.
Deri të premten moti do të jetë i qëndrueshëm me erë të lehtë, në disa vende mesatare jugore. Nëpër lugina do të ketë paraqitje të mjegullës ose vranësira të ulëta dhe temperaturat do të mbeten më të ulëta. Në vendet e tjera do të jetë relativisht ngrohtë, veçanërisht në male ku do të ketë shkrirje graduale të shtresës së borës.
Të premten pasdite dhe në ditët e fundjavës do të ketë reshje të kohëpaskohshme të shiut, ndërsa në male të borës. Për shkak të masës më të ftohtë ajrore me erë veriore reshjet gradualisht do të kalojnë në borë edhe në vendet më të larta, ndërsa të dielën edhe në vendet më të ulëta.